سلفنه الجراكن من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: كيف الحال يا فندم عامل إيه
المهندس منسي: الحمد لله نحمد ربنا ونشكر فضله
العميل: شركة المهندس منسي
المهندس منسي: أيوه
العميل: كيف الحال
المهندس منسي: الحمد لله
العميل: معاك يا فندم جمال من أسوان معايا مصنع
المهندس منسي: إزيك يا عم جمال
العميل: الله يبارك فيك، لو سمحت معايا عبوات بلاستيك اللي هي بتاعت الجراكن، فعايز أعملى خط الإنتاج بتاع الجركن
المهندس منسي: موجودة
العميل: طب تتكلف كام حضرتك دي؟
المهندس منسي: مقاس البق بتاع الجركن أد إيه؟
العميل: تمام….
المهندس منسي: يعني مقاس العين بتاعت الجركن أد إيه؟ الفتحة.. البق.. مقاسها أد إيه؟
العميل: المكنة ولا اييه بالضبط
المهندس منسي: ما أنا بقولك هي مكنة إحنا عندنا المكنة وعندنا القصديرة نفسها، يعني إحنا بننتج القصدير
العميل: طب تتكلف كام حضرتك
المهندس منسي: يا أخي ما أنا بقولك مقاس العبوة كام؟ مقاس القطر بتاع العبوة كام؟؟؟
العميل: عايز جركن الصابون اللي هوه 10 كيلو….
المهندس منسي: ما هو أنا عارف الجراكن كلها، بس أنا عايز المقاس يا عم جمال… ما تتعبنيش الله يرضى عليك ويصلح حالك يا رب
العميل: حاضر.. حاضر هقيسلك المقاس وأكلمك حاضر…
المهندس منسي: آه قيسلي المقاس وصوره كده وابعته عشان نعرف الخامة بتاعته إيه كمان، والكمية اللي إنت محتاجها أد إيه؟
العميل:خلاص هي الشركة فين حضرتك؟
المهندس منسي: إحنا عندنا حدائق القبة، مدينة نصر، باب الشعرية
العميل:خلاص ماشي هجيلكم مصر أنا إن شاء الله بإذن الله
المهندس منسي: أنا في انتظارك يا الله ماشي
العميل:ماشي مع السلامة
المهندس منسي: مع السلامة
