شرينك لتغليف عبوات من شركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: إزي حضرتك يا فندم
المهندس منسي: أهلاً بيك
العميل: يا أهلاً بحضرتك
أنا جبت رقم حضرتك من النت كنت عايز أسأل على شرينك لعبوة 7 سم، الشرينك يكون فيه إمكانية سهل الفتح بعد إذنك، ممكن ألاقي عند حضرتك
المهندس منسي: قطر الغطا كام؟
العميل: 7 سم، يعني ممكن لحد 9 سم الشرينك يبقى كويس
المهندس منسي: الكمية اللي حضرتك هتحتاجها أد إيه؟
العميل: والله أقل كمية عند حضرتك متاحة، يعني ممكن آخد بكرة مثلاً لو ينفع
المهندس منسي: طب حضرتك شرفنا بالزيارة لو كان في حاجة عندنا في الستوك بتاعنا أو المخزون بتاعنا خدها
العميل: فين مكان حضرتك؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: طيب ممكن نخلينا في مدينة نصر في حضرتك أصلاً الشرينك اللي هوه سهل الفتح عارفه المنقط ده؟
المهندس منسي: آه بيبقى فيه إيزي أوبن
العميل: في؟؟
المهندس منسي: آه
العميل: طيب الله المستعان، معلش لو هزعج حضرتك الخامة اللي هي الخفيفة دي أنا محتاجة موجودة؟
المهندس منسي: ما هو أنا بقول لحضرتك حضرتك كميتك قليلة، فحضرتك هتيجي تشوف في المخزون بكرة أو بكرتين خدهم
العميل: مافيش مشكلة يا فندم، خلاص تمام…
المهندس منسي: لو ما كنش نعملك خصوصي
مافيش مشكلة وأنا هشوف برده لو الكمية بتاعتي مش هتساعد المصنع عندكم ممكن أطلب الكمية المناسبة للمصنع ما عنديش مشكلة
المهندس منسي: إن شاء الله
العميل: خلاص يا فندم، طب فرع مدينة نصر شغال لغاية الساعة كام؟
المهندس منسي:9
العميل: طب ممكن حضرتك تبعتلي العنوان
المهندس منسي: هبعتهولك في رسالة حالاً
العميل: شكراً لحضرتك جداً، أنا آسف لو أزعجتك
المهندس منسي: مع السلامة
