شرينك لتغليف يد المقشة من شركة مهندس منسي
العميل: ألو.
المهندس منسي: السلام عليكم.
العميل: وعليكم السلام، أزيك يا باشا إيه الأخبار.
المهندس منسي: الحمد لله.
العميل: ازيك حضرتك أنا معاك/ معتز الدريني اللي كلمت حضرتك بخصوص الشرينك
المهندس منسي: آه شرينك إيه؟
العميل: اللي هو بتاع يد المقشة.
المهندس منسي: آه بص حضرتك أبعت لنا عينات
العميل: والله أنا بعت لك من يومين على البريد مش عارف موصلكش ليه؟
المهندس منسي: طيب تابع بقى مع المهندس/ حمادة
العميل: طيب هو حضرتك النهار ده هتبقى موجود في المصنع؟
المهندس منسي: آه أنا موجود في الإدارة.
العميل: امتى؟
المهندس منسي: من5 لـ11 .
العميل: طيب تمام.
المهندس منسي: أنا على طول ببقى موجود من 5 لـ 11.
العميل: طيب حاضر، بص حضرتك أنا يعني أنا من الفيوم أنا هنزل كمان 10 دقايق كده القاهرة تمام يعني هيبقى أدامي ساعتين و أبقى هناك إن شاء الله لو كده أعدي على حضرتك على طول .
المهندس منسي: ماشي مع السلامة.
العميل: خلاص اللي هو في باب الشعرية خلف رئاسة الحي صح؟.
المهندس منسي: إن شاء الله.
العميل: ماشي يا بشمهندس، ماشي يا باشا وأجيب لحضرتك معايا العينات .
