صناعة أزايز المياه البلاستيك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : باش مهندس إزي حضرتك إيه الأخبار
مهندس منسي : الحمد لله
العميل : بقول لحضرتك كان حد اداني رقم تليفونك بخصوص أزايز مياه
مهندس منسي : آه
العميل : حضرتك في مصنع بتصنع أزايز المياه أو حاجة زي كده
مهندس منسي : آه إحنا بنصنعها بالطلب
العميل : طب الـ 600 مللي بالكمية بتبقى عامله أد إيه كده؟
مهندس منسي : دي هتبقى حسب وزن العبوة
العميل : يعني نتكلم على المتوسط
مهندس منسي : يعني مثلاً أراوند كده 45 قرش
العميل : ده بالغطا وبكل حاجة؟
مهندس منسي : لأ بالغطا حوالي 55
العميل : تمام….
مهندس منسي : وبعدين عندنا مكن التعبئة، ومكن غسيل… يعني الخط كامل يعني
العميل : طب يعني أنا مكن تعبئة بجيبه من عندكم ولا إنتم بتعبوا عندكم ولا إيه بالضبط؟
مهندس منسي : لا ما بنعبيش عندنا، إحنا بنعملك المصنع كامل
العميل : آه.. المصنع كامل
مهندس منسي : يعني كمان لو عايز نعملك مصنع العبوات كمان ممكن نصنعهولك
العميل : طيب نتكلم بس على موضوع الأزايز الأول، لو أنا هشتري منك حضرتك بتقول في حدود 55 قرش
مهندس منسي : آه
العميل : كام إزازة؟
مهندس منسي : على الأقل 25000
العميل : طيب أوكيه، والغطا التركيز بتاعه إزاي؟
مهندس منسي : بيبقى الغطا بالأمان
العميل : أيوه يعني التجاري بي في سي وبعد كده خاص كده يتبرشم ولا مكن برشمة
مهندس منسي : لأ في مكنة برشمة، لأ الغطا العادي البلاستيك ده عادي ممكن تقفله بعدد من الطرق، ممكن تقفله يدوي، وممكن تقفله نص أتوماتيك، وممكن تقفله بأتوماتيك
العميل : تمام
مهندس منسي : أما البرشامة البلاستيك اللي هي البرشامة البلاستيك الشفافة كده
العميل : أيوه عارفها
مهندس منسي : دي بتبقى بمكنة اسمها مكنة سليف سيفت شرينك، أو مكنة شرينك
العميل : تمام… معاك، أوكيه، طب لو أنا مثلاً طلبت منك كمية تسلمهالي، لو مثلاً قلتلك النهاردة تسلمهالي كمان أد إيه؟
مهندس منسي : أول مرة هتاخد معايا حوالي من 28 – 35 يوم، تاني مرة 5 أيام
العميل : بعد كده هيبقى عندك تصميم وخلاص بقى الدنيا جاهزة وكل حاجة صح كده؟
مهندس منسي : مضبوط آه
العميل : طيب أوكيه ماشي، حضرتك عندك تصميمات معينة بختار منها ولا أنا…
مهندس منسي : لا اختار التصميم اللي يعجبك
العميل : طيب ماشي، شكراً جداً لحضرتك
مهندس منسي : مع السلامة
