صناعة أكياس التوابل والبهارات البلاستيك من شركة المهندس منسي

العميل : سلام عليكم

مهندس منسي : وعليكم السلام ورحمة الله وبركاته

العميل : إزيك يا باش مهندس

مهندس منسي : أهلاً بيك

العميل : لو سمحت عندكم أكياس توابل بهارات

مهندس منسي : إن شاء الله

العميل : بس أنا مش عايزها مطبوعة، أنا عايزها ناحية تكون سودا وناحية تكون شفاف

مهندس منسي : مفيش مشكلة

العميل : طب إيه عندكم دي الكيلو عامل كام

مهندس منسي : نشوف محتاج الكمية أد إيه، والطول والعرض أد إيه، والخامة اللي هتختارها

العميل : الأكياس العادية اللي باليوتيوب، أنا شفتها عندكم بالشركة عاملنها على النت

مهندس منسي : آه…

العميل : بس أنا مش عايزها مطبوعة

مهندس منسي : آه… الخامة اللي هتعجبك إيه، شفافة إزاي؟ في شفافة شفافية ثلج وفي شفافية خفيفة، حضرتك شرفنا بالزيارة ونقي الخامة اللي هتعجبك وقول عايز من دي كمية كذا

العميل : طب ماشي طب عايزين نعرف السعر كام؟

مهندس منسي : آه… يعني إنت عايز تشوف… طب إنت عايز عرض كام × كام؟

العميل : يعني 5 كده…. والله ما عارف أنا حكاية المقاسات دي مفهمش فيها جامد

أنا شوفت على النت في كيس… طب صلي على النبي

مهندس منسي : عليه الصلاة والسلام

العميل : طب هوه في كيس كده بيبقى مخروم كده من فوق

مهندس منسي : آه…

العميل : تمام… بيبقى فيه زي علاقة بيتعلق فيه يعني

مهندس منسي : ما هوه كل الأكياس مخرومة من فوق، أنا كنت محتاج أشوف مقاس كده مثلاً، طب إنت عندك كيس نقدر نبص عليه، نقول آه هنعمل زي ده؟ أو في كيس في السوق عاجبك مثلاً تعمل عليه؟

العميل : لو أنا آجي عندكم عشان أوريك الكيس، أنا عندي كيس كده

مهندس منسي : آه كويس، هات الكيس وتعالى ونقعد مع بعض ونشوف الكمية المطلوبة أد إيه كمان

العميل : طب مش هتقولي برده على السعر

مهندس منسي : هوه أنا أقولك على سعر إيه، سعر الأكياس، ما هوه سعر الأكياس مقاس كام × كام، واخد بال حضرتك، العرض كام والطول كام، السماكة أد إيه، الكمية أد إيه؟ ما أنا ممكن أديلك سعر أجيبك، أجيبك إزاي؟ ما أنا ممكن أديلك أي سعر تيجي وبعد كده أقولك الله هوه إنت عايز ده، ده سعر تاني بقى، ما ينفعش، يعني أنا بكون صادق معاك، يعني المصداقية أحسن ولا أديك أي سعر وبس

العميل : لا.. لا المصداقية طبعاً

مهندس منسي : طيب أنا من باب المصداقية بقولك شوف الطول × العرض× الارتفاع، التكنيك، السماكة، السماكة بتاعته أد إيه، الكمية اللي إنت هتطلبها أد إيه، واخد بال حضرتك، بناء على الحاجات ديت هقولك على السعر هيبقى كام بقى

العميل : خلاص بإذن الله

مهندس منسي : ماشي يا غالي

العميل : بس السعر لما يكون مش مطبوع غير لما يكون مطبوع صح؟

مهندس منسي : أكيد

العميل : طب تفرق كتير يعني؟

مهندس منسي : آه يفرق كتير طبعاً، يفرق النص بالنص، يفرق حوالي 35% يعني التلت

خلاص.. خلاص.. ماشي شكراً