صناعة أكياس الفويل من شركة المهندس منسي

مهندس منسي : سلام عليكم

العميل : وعليكم السلام.. باش مهندس حمادة

مهندس منسي : باش مهندس منسي معاك

العميل : إزيك يا باش مهندس أنا لسه كنت بكلم المهندس حمادة عشان إحنا مصنع علي طريق مصر إسكندرية

مهندس منسي : آه

العميل : وكنا طالبين أكياس فويل

مهندس منسي : آه

العميل : فمش جاهز المهندس حمادة عندك

مهندس منسي : خد رقمه…

العميل : ما أنا كلمته ما بيردش، كلمني مرة وقالي في إيده شغل ولما يفضى هيكلمني

مهندس منسي : آه.. هوه حضرتك يعني بتنفذ معاه أكياس ولا لسه ما نفذتش

العميل : لا لسه طالب منه

مهندس منسي : آه… طب حضرتك شرفني بالزيارة تحت أمرك

العميل : لا أنا في إسكندرية إذا كان ممكن إن أنت تجهزلي عينة وأبعت آخدها

آه…

مهندس منسي : عينة مقاس كام × كام

العميل : 80 × 60 بسعة 25 كيلو

مهندس منسي : آه.. والله كون إن إحنا نقعد نجهز في عينات ده يبقى صعب علينا حضرتك ممكن تدفع نجهزلك بناء عليه عينات، إنما أنا أقعد كل ما واحد يكلمني أقعد أعمله كيس وعينات وحاجات من ديت بالنسبة لنا صعب يعني

العميل : آه.. طيب لو أنا حبيت يعني هتبقى على حساب 20 طن الكيس 25 كيلو

مهندس منسي : طيب إبعت حد يتفرج على الخامات لأن إحنا مش عارفين الخامات اللي هتطلبها إيه، فحد يتفرج على الخامات…

العميل : طب ده هوه يعني مشوار يعني عشان نسافر القاهرة نتفرج على كيس ونرجع تاني..

مهندس منسي : مش هتتفرج على كيس، هتتفرج على الخامات علشان تنقي الخامة، مهندس منسي : طب أنا هتكهن منين باللي في دماغ حضرتك دلوقتي؟

العميل : هوه دلوقتي الخامة مش موحدة الفويل..

مهندس منسي : لا.. لا.. الفويل كله في العالم مش موحد، ده 3000 صنف

العميل : آه.. آه.. آه

مهندس منسي : فهوه حضرتك أنا إزاي هتكهن باللي في دماغ حضرتك؟ إحنا عندنا ستوك كبير، وعندنا خامات كتيرة فهمتني إزاي، فهوه كل اللي بيجي…

العميل : طب هقولك على حاجة ظريفة، هل دلوقتي تبعتلي على الإيميل بتاعي صور أو كتالوج اللي عندك

مهندس منسي : لا اكتب على الإنترنت أكياس المهندس منسي هتلاقي صور الدنيا، كل دي صفقات أعمال عملناها قبل كده

العميل : والله.. آه.. آه.. لكن الأسعار عندك بقى.

مهندس منسي : آه بالطن بالطن بالكيلو

العميل : بالطن بالكيلو، آه برده طبقاً للمواصفات

مهندس منسي : آه.. مضبوط

العميل : مش كده، يعني الكلام ده طبقاً للمواصفات

مهندس منسي : آه…

العميل : يعني نخش على الباش منسي للأكياس

مهندس منسي : اكتب أكياس المهندس منسي

العميل : طيب ماشي شكراً يا حبيبي مع السلامة مع السلامة