صناعة العبوات البلاستيك بجميع المقاسات من شركة المهندس منسي
العميل : سلام عليكم
مهندس منسي : وعليكم السلام ورحمة الله وبركاته
العميل : لو سمحت أنا كنت عايزه أستفسر عن أسعار العبوات البلاستيك اللي عندكم
مهندس منسي : آه… إنت عايزه عبوة شكلها إيه؟
العميل : أنا عايزة عبوة تعبئة سائل يعني شفاف أو معتم، أبيض شفاف أو معتم مقاس لتر، هتكون سعرها أد إيه وأقل كمية أد إيه؟
مهندس منسي : بصي يا ستي هوه إحنا بنعتمد على إن العميل بيجيب لنا العبوة وإحنا بنصنعها له فهمتيني
العميل : أيوه
مهندس منسي : عشان خصوصية العميل، يعني إحنا مش بنصنع حاجة تصلح لأي حد
العميل : تمام يعني حضرتك متخصص إنك بتعمل اسطمبة ومعندكش عبوات جاهزة حالياً
مهندس منسي : لا مش متخصص، أنا متخصص إن أنا أعمل اسطمبة وبناء على الاسطمبة أبدأ أنفذ لك العبوة
العميل : طيب حضرتك ما عندكش أي كميات موجودة أو حضرتك تعرف حد، أصل أنا عايزة كميات حالياً تبقى جاهزة
مهندس منسي : لا هوه أنا انتسرستنج بس في خصوصية العميل في العبوة بتاعته
العميل : أنا عارفه والله أنا فاهمة النقطة دي بس حضرتك إحنا عملية الوقت، فكنت عايزه حد يكون عنده حاجة جاهزة
مهندس منسي : لا صدقيني
العميل : نعم
مهندس منسي : كان نفسي أخدمك
العميل : متشكرة لحضرتك أنا آسفة على الإزعاج، بس حضرتك ما تعرفش أي حد أتواصل معاه في الموضوع ده
مهندس منسي : لا صدقيني
العميل : ماشي أوكيه متشكرة لحضرتك
