صناعة جميع اسطمبات العبوات البلاستيك من شركة المهندس منسي

العميل : سلام عليكم يا فندم

مهندس منسي : عليكم السلام

العميل : شركة إم تو باك؟

مهندس منسي : أيوه

العميل : أهلاً وسهلاً يا فندم، باش مهندس منسي؟

مهندس منسي : آه معاك

العميل : أهلاً وسهلاً يا فندم مع حضرتك محمد الشيخ من المنوفية

مهندس منسي : أهلاً وسهلاً

العميل : الله يخليك، كنت بس عايز أعرف من حضرتك عرض أسعار خاص زي 250مم و500مم عبوات بلاستيك صالحة لتعبئة ماء الورد وزيت الزيتون…

مهندس منسي : آه.. هوه إحنا بنعمل الاسطمبة الأول وبناء على الاسطمبة بنبدأ ننفذ العبوة

العميل : بنعمل الاسطمبة الأول، إنما مافيش حاجة جاهزة عند حضرتك بناخد…

مهندس منسي : هوه إحنا بنحافظ على خصوصية العميل، يعني ده لمصلحتك

العميل : لا أنا فاهم يا فندم، أنا فاهم حضرتك، أنا بحسب في حاجة جاهزة آجي أخلص فيها على طول

مهندس منسي : لا هوه إحنا بالنسبة للعبوات إحنا مش بنصنع عبوات وبنبقى قاعدين كده بنبيع فيها لأ.. إحنا بالنسبة لنا بنحافظ على خصوصية العميل، كل عميل ليه عبوته الخاصة بيه وما بنعملهاش إلا ليه هوه

العميل : فهمت حضرتك، طب مثلاً يا فندم في رينج مثلاً معين يعني الأسعار إيه بعد ما تحط الاسطمبة

مهندس منسي : الأسعار دي بتحدد بناء على وزن العبوة اللي إنت هتاخدها، يعني مثلاً إنت خدت عبوة 50جم غير لما تاخدها 60 غير لما تاخدها 20…

العميل : آه.. بس مافيش إزاز طبعاً هوه بلاستيك بس

مهندس منسي : بلاستيك بس آه

العميل : طب حضرتك نوع البلاستيك اللي هوه مقارب للإزاز دوت أنا مش عارف اسمه إيه تحديداً

مهندس منسي : بي إي تي

العميل : الـ بي تي

مهندس منسي : بي إي تي

العميل : بي إي تي آه ده يا فندم ده متاح؟

مهندس منسي : آه طبعاً

العميل : طب حضرتك لو مثلاً حاجة تكون ، أنا هشغلها في تجارة، طبعاً يهمني إن السعر يكون أقل شيء عشان أقدر.. وبرده الجودة تكون كويسة، يعني خير الأمور الوسط، فمثلاً رينج…

مهندس منسي : يعني إنت عايز سعر وبس، يعني أنا…

العميل : لا مش سعر وبس يا فندم، أنا عايز سعر وكمية، يعني مثلاً حد أدنى للكمية كام

مهندس منسي : ما هوه مش عملية حد أدنى، دي اسطمبتك، إنت اعمل اللي إنت عايزه، طالما اسطمبتك اعمل الكمية اللي إنت عايزها

العميل : طب الاسطمبة دي تتكلف كام يا فندم مثلاً، يعني بداية التعاقد؟

مهندس منسي : تتكلف

العميل : ، دي الاسطمبة دي خارج…

مهندس منسي : هقولك على حاجة، الاسطمبة دي افرض إنت عندك صلاحية إنك تحفر عليها اسمك، واخد بالك، افرض إنت يعني حبيت تخدها بتخدها يعني…

مهندس منسي : بقيت إنت حر نفسك تقدر تشغلها عندي عند أي حد…

العميل : بحفر عليها اسمي بمعنى إيه يا فندم؟

مهندس منسي : إنت ما شوفتش أي شركة حفره اسمها على الغطا أو على الاسطمبة نفسها عشان تحمي المنتج بتاعها؟

العميل : لا شفت يا فندم، ده على الغطا مش على الإزازة نفسها صح؟

مهندس منسي : آه إنت هنا عندك الصلاحية الاتنين بقى

العميل : آه… ، طب تمام، إنما مافيش حاجة جاهزة حالياً ممكن آخدها على طول؟

مهندس منسي : لأ

العميل : طب ماشي يا فندم، أنا وشريكه هندرس بس الحتة ديت وإن شاء الله هرد على حضرتك زي دلوقتي بكرة بإذن الله

مهندس منسي : ماشي يا غالي

العميل : الله يخليك يا باش مهندس سلام عليكم

مهندس منسي : سلام