صناعة جميع خامات الفويل والألومنيوم من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : معلش يا فندم الكيلو بيعمل كام كيس؟

مهندس منسي : كيلو إيه؟

العميل : كيلو ورق الألومنيوم أو الفويل

مهندس منسي : آه.. ما هو دلوقتي حضرتك شرفنا بالزيارة واختار الخامة اللي إنت عايزها واعمل عليها مقايسة

العميل : آه.. طيب ماشي مش أعرف برده قبل ما آجي

مهندس منسي : ما هو العملية صعب التكهن بوزن الكيس كام، إنما ممكن أقولك الخامة بكذا ده طبيعي، إنما أتكهن بأن ديت.. دي عايزه حسبة، لازم حسبة إن أنا أفصل كيس، وبعد ما أفصل كيس أروح ماسكه ووازنه على ميزان جواهرجي ميزان حساس، ساعتها أقولك آه الكيلو كده يعمل كيس وكده يعني

العميل : آه.. آه… أصل هوه قالي الكيلو يعمل 80 جنيه، فالكيلو يعمله كام كيس، يعني لما أعوز ألف كيس يعني المفروض أشتري كام كيلو؟

مهندس منسي : آه.. ده حضرتك بقى تبدأ تمسك العينة وتفصلها كيس وبعد كده توزنه

العميل : آه.. طب مش إنتم اللي بتفصلوا الكيس ولا..

مهندس منسي : عادي نفصلهولك أو بندهولك ونعرفك إزاي تفصله مافيهاش مشكلة

العميل : آه.. آه.. آه.. طيب كويس، كتر خيرك، السلام عليكم