صندوق حروف طابعة التاريخ
المهندس منسي: سلام عليكم.
العميل: سلام ورحمة الله وبركاته، مهندس منسي؟
المهندس منسي: أيوه.
العميل:كنت عايز أسأل حضرتك على الحروف بتاعت الطابعة بتاعت مكنة التعبئة.
المهندس منسي: حروف إيه؟
العميل:حروف والأرقام.
المهندس منسي: آه.. إنت واخد المكنة من عندنا.
العميل: لا.. لا دي مكنة قديمة.
المهندس منسي: لا إحنا بنجيب الحاجة اللي من عندنا بس.
العميل: آه.. ما بتبيعوش غير للي من عندكم يعني.
المهندس منسي: لا المانيام عندنا هتلاقي الحرف قبال الحرف وكده يعني، فعمر ما حروفنا هتركب على مكنة تانية…إحنا ماركة مش تجار.
العميل: يعني… يعني.. إيه؟
المهندس منسي: إحنا ماركة مش تجار.
العميل: أيوه أنا فاهم، أنا عارف، يعني ما بتبيعوش…
المهندس منسي: ينفع يبقى فيه تليفزيون ناشيونال وتروح مركبه على توشيبا.
العميل: هوه أحياناً بينفع.
المهندس منسي: لا هوه عندنا إحنا مش بينفع.
العميل: طيب ماشي..
المهندس منسي: سلام.
