طبات فوم من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : باش مهندس منسي
المهندس منسي : أيوه
العميل : معاك المهندس محمد عباس الشركة المصرية لتكنولوجيا الأسمدة
المهندس منسي : أهلاً وسهلاً
العميل : يا أهلاً بيك يا باش مهندس منسي حضرتك كنت محتاج طبة سكس بلف
المهندس منسي : آه
العميل : زي الطبة تاتش ، عندي منتج بينفخ
المهندس منسي : آه.. هوه إحنا استبدلناها بطبة فوم
العميل : طبة فوم
المهندس منسي : آه
العميل : بجيب نتائج كويسة
المهندس منسي : آه.. جابت نتائج كويسة آه
العميل : طيب أقدر أشوف منها عينة آخدلي مثلاً 5 – 6 كده أجربهم في المنتج لو كده نسحب كمية كويسة
المهندس منسي : إن شاء الله
العميل : حضرتك شغال لحد الساعة كام في باب الشعرية؟
المهندس منسي : لغاية الساعة 9 من 11-9
العميل : طب أستأذنك ممكن تبعتلي الصورة بتاعتها على الواتس آب إذا أمكن؟
المهندس منسي : أنا مش جاهزة معايا الصورة، ممكن حضرتك بقى تتابع مع المبيعات
العميل : طيب أنا هعدي عليك في باب الشعرية آخد منها 5 – 6 عينات وأجربهم على المنتج، لو كده نضبط مع بعض شوية شغل كويسين
المهندس منسي : إن شاء الله
العميل : كنت عايز أسأل حضرتك هي تمنها كام طيب مقاس 46مم؟
المهندس منسي : يعني في حدود 15 ، 12 كده يعني
العميل : تمام.. تمام.. ماشي يا معالي الباشا متشكر ليك قوي
المهندس منسي : مع السلامة
