طباعة جميع أنواع الأكياس البلاستيك من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : كنت عايز أطبع شنط بلاستيك عليها صور 4 لون

مهندس منسي : هوه إحنا بنطبع أحدث أنواع الطباعة اللي هي عبارة عن طباعة الروتوجرافيك، وبنعمل لامينيشن وكده، يعني أحدث حاجة

العميل : ده على البلاستيك؟

مهندس منسي : على أي حاجة، على خامات البلاستيك، وخامات التعبئة والتغليف الحديث

العميل : أنا كنت عايز شنط لستديو، فمش محتاج لامينشين

مهندس منسي : لا ده يبقى مش تبعي، أنا بس بشتغل في التكنولوجيا الحديثة، اللي هوه الطباعة الحديثة، لو شفت حضرتك شنط تلاقيها راقية قوي كده، هي دي تبعنا، أما غير كده صدقني لا تبعي ولا أعرف مين اللي بيعملها

العميل : طب ممكن أعمل سلندرات بس؟

مهندس منسي : سلندرات بس؟

العميل : آه..

مهندس منسي : ما هو السلندرات بنعتبرها إنها نيوهاو، فكر نيوهاو بالنسبة لنا، هنعملها لأن السلندرات عندنا السلندر بـ 100 ، لما تيجي تشوف السوق المصري تلاقي السلندر بـ ، فإحنا عملنا البحث وعملنا الحاجات ديت عشان في الآخر حاجة نستفيد بيها، نستفيد بإن إحنا عملنا الحاجة دي، فهمتني

العميل : يعني مش هتعملي حتى السلندرات ولا الطباعة بتاعت الشنط

مهندس منسي : يا باشا أنا تحت أمرك في أي وقت، إنت زعلان ليه، إنت تيجي تنورني في أي وقت…

العميل : إحنا كنا خدنا منك مكن تغليف قبل كده

مهندس منسي : آه.. آه.. أنا اتشرفت بيك

العميل : أهلاً بحضرتك

مهندس منسي : هتيجي تتفرج على جودة الطباعة وهتشوف اللي بتكلم مع حضرتك ده إيه؟

العميل : أنا فاهم يا باشا، أنا مكتب دعاية وتسويق

مهندس منسي : آه…

العميل : بعمل شغل مطبوعات وفي ناس بتطلب مني شغل بلاستيك، أنا ما بحبش أشتغل فيه أصلاً بس في ستديو كبير شغال معايا في المطبوعات

مهندس منسي : بص أعرض عليهم خد عينات من عندهم واعرض عليهم وقلهم هطبعلكم بالطريقة دي، والله عجب عجب، ما عجبش يبقى خلاص لا يكلف الله نفساً إلا وسعها

العميل : بكام بقي ؟!

مهندس منسي : في حدود للكيلو

العميل : بقينا نتكلم بال ما بقيناش نتكلم بالمصري

مهندس منسي : ما هو أنا بسمي بس بال عشان خاطر يبقى في سعر ثابت أقدر أتكلم عليه

العميل : إنت كده بتفكر صح

مهندس منسي : بدل ما تيجي بعديها بأسبوع ولا 10 أيام أقوم أقولك لأ هوبه استنى ده السعر غلي… طب وبعدين، إنما أنا هاخد منك بالمصري

العميل : وأقل كمية أد إيه؟

مهندس منسي : أقل كمية ربع طن

العميل : طيب متشكر جداً يا باش مهندس وإن شاء الله هعدي على حضرتك في أقرب وقت

مهندس منسي : أنا تحت أمرك في أي وقت

العميل : سلام عليكم