طباعه اكياس فويل من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: لو سمحت كنت بسأل عندكم طباعة أكياس فويل
المهندس منسي: إن شاء الله
العميل: عايز أطبع كيس واحد كيلو
المهندس منسي: آه ماشي
العميل: أجيبلك الديزاين وأجيبلك كيس تعملي زيه؟
المهندس منسي: ماشي مافيش مشكلة خير
العميل: طب إنتم شغالين من الساعة للساعة كام
المهندس منسي: إحنا شغالين من 11-9 طول أيام الأسبوع ماعدا يوم الجمعة
العميل: تمام.. مين معايا يا فندم؟
المهندس منسي: مع حضرتك مهندس منسي
العميل: المهندس منسي شخصياً
المهندس منسي: أيوه
العميل: طيب أنا متشكر ليك قوي مع إن أنا كنت زعلان منكم يعني
المهندس منسي: خير يا باشا
العميل: كنت جيت قبل كده اتصلت كنت عايز طبة اللي هي بتاعت الفل
المهندس منسي: الفوم آه
العميل: جيت من السادات على أساس مقاس الطبة 46 وبعد ما جيت المشوار ده كله فوجئت إنه بيقولي الطبة مش موجودة
المهندس منسي: مين اللي عمل مع حضرتك كده؟
العميل: معرفش والله واحد رد عليا على التليفون ده، قلتله يعني إنتم جايبني من السادات وتقولي مش موجودة، أنا اتصلت عليك بالتليفون..
المهندس منسي: ما هوه عادي إحنا ممكن نصنعهالك بالطلب في خلال 3 ـ 4 أيام
العميل: ما هوه محدش فهمني كده
المهندس منسي: آه.. لأ ما هوه عادي ممكن نصنعها لك بالطلب تخدها 3 أو 4 أيام بالضبط…
العميل: ما هوه اتصرفت بقى جيبتها بـ 1.25 جنيه والله اللي هي فيها بتاعة بتصب من جوه عشان تفريغ غازات
المهندس منسي: آه.. إنت جيبتها فلتر، إنما ديت إحنا بنصنعها مش بجنيه وربع، إحنا بنصنعها بالربع بس
العميل: ما أنا عارف، بس محدش أنجز معايا
المهندس منسي: محدش فهمك آه
العميل: محدش فهمني… بالضبط
المهندس منسي: أهم طيبين
العميل: الحمد لله إنهم طيبين … الحمد لله، خلاص أنا هحاول أعدي على سيادتك أنا عندي حوالي 5000 كيس عاوز أطبعهم
المهندس منسي: لا تحت أمرك
العميل: الله يبارك فيك يا فندم، الديزاين جاهز وكل حاجة يعني
المهندس منسي: إن شاء الله، ماشي يا غالي
العميل: متشكر ليك قوي، شكراً ، اتفضل
المهندس منسي: مع السلامة
