عبوات الاسترين من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: المهندس منسي للعبوات الدوائية
المهندس منسى: إن شاء الله
العميل: لو سمحت كنت عايز أعرف حضرتكم بتعملوا العبوات بتاعت المضمضة المهندس منسى: اللي شكل علبة الاسترين
العميل: شكل علبة الاسبدرين
المهندس منسى: الاسترين
العميل: الاسترين؟،آه، هوه حضرتك لو عندك واتس على الرقم ده ممكن أبعتلك الصورة
المهندس منسى: إن شاء الله ماشي يا غالي
العميل: طب هبعتلك الصورة يا ريت حضرتك ترد عليا تعرفني موجودة ولا لأ
المهندس منسى: إن شاء الله
العميل: شكراً،كنت عايز أعرف حضرتك بعتلي إن هي متوفرة بس الخامة غير الصورة غير اللي موجودة في الصورة صح؟
المهندس منسى: آه بص يا سيدي، في أنواع من الخامة، الاسطمبة اللي تنتج عبوة بي إي تي غير الاسطمبة اللي تنتج عبوة بولي إيثيلين أو بولي بروبلين
العميل: تمام
المهندس منسى: فإحنا عندنا نفس العبوة دي بس شكل الديتول، لو تعرف حضرتك الديتول
العميل: آه عارف الديتول
المهندس منسى: آه.. بس ديت بتنتج على اسطمبة نفس شكل الديتول كده اللي هوه بولي بروبلين
العميل: تمام
المهندس منسى: لو إنت شفت شكل الديتول،أما لو عايز تعمل الشكل ده زي الألماني بالضبط، زي العبوة الألماني بالضبط هتبقى خامة بي إي تي
العميل: تمام.. طيب
المهندس منسى: الخامة الـ بي إي تي هنضطر نعملها اسطمبة
العميل: تمام.. طب الاسطمبة دي تتكلف أد إيه؟ وأقل كمية ممكن أعملها أد إيه؟
المهندس منسى: الاسطمبة تتكلف في حدود ، وأقل كمية أي كمية
العميل: أي كمية، بس الاسطمبة بتبقى موجودة بعد كده على طول
المهندس منسى: بتاعتك
العميل: بتاعتي أنا يعني
المهندس منسى: لو عايز تاخدها بعد ما تخلص شغل بتاخدها
العميل: تمام.. تمام كده
المهندس منسى: طب ماشي إحنا برده هنضبطها كده ونكلم حضرتك تاني
العميل: بس الشكل ده ما ينفعش حضرتك تتطلعه من غير الاسطمبة اللي حضرتك بتتكلم عليها
المهندس منسى: لازم أساس كل شيء الاسطمبة
العميل: آه
المهندس منسى: بعدين النهاردة إنت في بلد لو طلعت منتج وما حامتهوش في ثانية يضرب
العميل: تمام
المهندس منسى: فإنت النهاردة لما تعمل الاسطمبة بتاعتك، وتحفر عليها اسم شركتك باي إنجليش مثلاً وأي علامة بحيث يبقى منتجك.. على الأقل عملت سوق
العميل: تمام فهمت قصدك
المهندس منسى: ما سيبتهاش كده ملقف لأنه النهاردة قلة الفكر عندنا كله بيقلد بعضه
العميل: أكيد.. أكيد ودي فعلاً أنا كنت بدور على حد يعملها لي بس طبعاً مبلغ دلوقتي كبير
المهندس منسى: بس هوه في الأخير إنت حميت منتجك وحسيت إنك فعلاً عملت حاجة كويسة
العميل: خلاص ماشي…
المهندس منسى: وبعدين بتكتب برده تحذير أو بيان تأكد مثلاً من إن المنتج مثلاً محفور عليه من تحت شركة كذا
العميل: تمام… هي ممكن فعلاً الفكرة ديت كويسة،طيب.. التكاليف نتكلم فيها، التكلفة بتاعت الاسطمبة هي اللي كبيرة
المهندس منسى: آه
العميل: لو أنا لو عملت اسطمبة لكل مستحضر عندي هيبقى مصاريف كتيرة جداً
المهندس منسى: آه.. آه…
العميل: فهي النقطة هنا التكاليف، هل ممكن نقلل شويه في سعر الاسطمبة ولا ده آخر حاجة؟
المهندس منسى: صدقني كنت أتمنى، السعر ده اللي شغال بيه من يوم ما ابتديت
العميل: تمام.. تمام… وبرده هي كده تبقى عامله مصري كام؟
المهندس منسى: 21600
العميل: تمام، خلاص أوكيه أنا هكلم الراجل معايا وهتصل بيك تاني
المهندس منسى: إنت تتكلم دايماً اتكلم دايماً فى اى وقت
العميل: لأ أصل إحنا شركة واحدة، أنا شريك في الشركة مش شغال… لا أنا هبص بس على المصاريف بتاعتها
المهندس منسى: خلاص أوكيه شكراً
العميل: السلام عليكم
