عبوات بولي إيثيلين من شركة المهندس منسي

العميل: السلام عليكم

المهندس منسي: وعليكم السلام

إم تو باك المهندس منسي

المهندس منسي: أيوه

العميل: أنا دلوقتي كنت عايز عبوات بولي إيثيلين واحد و2، اللي هي بي إيه تي وكنت عايز، إحنا شركة استيراد وتصدير وكنا عايزين كمية يعني

العميل:  ماشي حضرتك شرفنا بالزيارة وهات معاك العبوة اللي إنت عايزها أو رسم للعبوة وإحنا نعملها لك

ما عندكوش حاجة جاهزة، مش إنتم بتتعامله مع شركات أدوية، ما عندكوش حاجة جاهزة المقاسات جاهزة؟

المهندس منسي: إحنا بنتعامل مع شركات أدوية كل واحد ، عندنا خصوصية في المنتج

العميل:  أنا فاهم، في حاجات إنتوا بتشتغلوها وفي حاجات لشركات تانية، في شركات تانية

المهندس منسي: إحنا ما بننتجش كده ونبيع لأي حد، إحنا بننتج بناء على طلب العميل، عشان خصوصية المنتج يعني

العميل:  آه.. آه.. بس اللي أنا أعرفه بيبقى عندها اسطمبات…

المهندس منسي: آه.. دي ما تبقاش شركات كبيرة، دي بتبقى شركات بتساعد على ضرب المنتج

العميل:  ليه

المهندس منسي: ما تبقاش شركات محترمة اللي تعمل كده، أنا آسف في اللفظ، الشركات المحترمة اللي تعمل منتج بتاع شركة فلان، يعني مثلاً لما آجي أعملك مثلاً عبوة شامبو بتاعت بيرت بلاس أروح جاي مديه للناس كلها، طب ده ينفع؟؟؟ تبقى دي شركة كبيرة؟؟؟!!!!

العميل:  إنت عندك حق في جزء، والجزء التاني اللي أنا معترض معاك فيه إن العلبة مش مطبوع عليها، العلبة مش الواحد أخد العبوة يعني كده أخد المنتج

المهندس منسي: شكل المنتج نفسه العميل بيبقى اتعود عليه، ده المنتج بتاع كذا…

العميل:  أنا كنت بجيب أمريكاني من بره لو تبص على العلب بتاعتهم، بتاعت المكملات الغذائية

المهندس منسي: بص ممكن أعمل عبواتك كلها شكل واحد مافيهاش حاجة بس تبقى عبوتك إنت، ما ينفعش أنتجها لك وأنتجها لأمة لا إله إلا الله

العميل:  آه…

المهندس منسي: حد عايز يضرب منتجك أقوله خد يالله، مش فارقة بقى… ما ينفعش

العميل:  صح.. صح… أنا قلت إن الشركات اللي بتبيع بره دي تلاقي 50 شركة شبه بعض عادي بس الليبول اللي بيختلف والتشكيل اللي بيختلف، الحاجات دي….طب أنا دلوقتي عايزك تنصحني معلش على حاجة، أنا هحاول أجيلكم إن شاء الله

المهندس منسي: إن شاء الله

العميل:  أنا لو عايز حاجة جاهزة عشان لسه ما استقرتش على عبوة، تنصحني بمين أجيب منه عبوات جاهزة، مش فارق معايا… السؤال التاني معلش مش هطول عليك، دلوقتي لو جبتلك أنا الحاجة اللي أنا عايزها قلتلك أنا عايز زي دي، بتاخد المدة أد إيه؟؟ والتكلفة طبعاً بتختلف لو حاجة جاهزة

المهندس منسي: 28 يوم

العميل:  أقل حاجة لو أنا عايز العلبة بي إي تي ملونة مثلاً

المهندس منسي: بتاخد 28 يوم

العميل:  طب أقل حاجة بتبقى الكمية أد إيه والحساب تقريباً؟

المهندس منسي: أي كمية طالما عملنا الاسطمبة بتبقى اسطمبتك تعمل عليها أي كمية

العميل:  الاسطمبة بتبقى بكام مبدئياً كده؟

المهندس منسي:

العميل:  ما هوه ده اللي مزعلنه، أصل أنا شركة استيراد وتصدير والحاجة دي هنعبي فيها حاجات ومش عارفين في الظروف دي هنكمل ولا لأ، فمش هعمل اسطمبة

المهندس منسي: تمام

العميل:  آه.. ماشي.. ماشي، بس مافيش عندك حاجة جاهزة خالص من غير اسطمبة اللي هدفع فيها المبلغ ده؟

المهندس منسي: لا مافيش

العميل:  أشكرك شكراً