عبوات كوزمتكس 50 مللى من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: من فضلك أنا كنت بسأل على العبوات الكوزمتكس اللي هي 50 مللي متوفرة

المهندس منسى: آه أوردي إحنا بنصنع عبوات الكوزمتكس كلها بجميع أنواعها، ولكن إحنا مش بنصنع إن إحنا نعمل العبوات ونقعد نبيع فيها، إحنا بنصنع للشركات حسب طلبهم همه، عشان ضرب المنتجات بس، عشان نحافظ على شكل منتجك، يعني معناها إن إنت مثلاً لما يبقى عندك منتج لسانسيلك مثلاً شامبو سانسيلك أو كريم سانسيلك، ما ينفعش أديه لسانسيك وأديه لكل الناس

العميل: أنا عندي المنتج الخاص بتاعي أنا، بصنعه في الشركة المصرية، عليه العلامة بتاعتي وكل المنظفات بتاعتي، فأنا عايزه عبوة معينة

المهندس منسى: أيوه إحنا بتوع العبوة المعينة اللي بشكل معين بحيث إنها بنسجلها باسم العميل نفسه بحيث إن ماحدش بعد كده يضربله منتجه يكون هوه تعب في تسويقه وعمله علامة وعمله اسم وفي الآخر واحد ييجي يشتري من عندنا ألف ألفين يضربله منتجه بيهم

العميل: تمام.. تمام…

المهندس منسى: فإحنا بقى بنحافظ على العميل، سياستنا سياسة الخصوصية المنتج

العميل: أوكيه كل ده جميل جداً، أنا لو سألت على الـ بي إي تي الـ 150 مللي من غير غطا لأن أنا بجيبلها الغطا بتاعها، دي سعرها كام؟

المهندس منسى: ما هوه سعرها بيتحدد على وزنها وهي فاضية

العميل: هوه حضرتك هتعملي اسطمبة مخصوصة ليا

المهندس منسى: أيوه إحنا سياستنا إن إحنا بنعمل الاسطمبات مخصوصة للعميل

العميل: ده كده أوفر كوست عليا

المهندس منسى: كنت أتمنى إن أنا أساعدك صدقيني

العميل: طب أوكيه يا فندم شكراً جزيلاً، مع السلامة