عبوات مستحضرات تجميل من شركة المهندس منسي

العميل: السلام عليكم

شركة منسي للعبوات؟

ممكن صور للعبوات مستحضرات التجميل

كريم شعر + لوشن… بلسم.. شار.. مزيل عرق

والسعر

لو تكرمت

المهندس منسي: هوه يستحسن لو حضرتك شرفتنا في المعرض بتاعنا، إحنا عندنا باب الشعرية، حدائق القبة، مدينة نصر، 6 أكتوبر، لو حضرتك شرفتنا بالزيارة هتشوف العينات لايف على الطبيعة، تمسكها وتشوفها وتوزنها وتعرف سعرها وإنت قاعد، تعرف كل حاجة عنها، تعرف المكن اللي يعبيها، تعرف التغليف اللي يبقى عليها، الليبل، مكن التعبئة، كل حاجة… كل حاجة هتلاقيها موجودة في المعرض، أما عملية الشات ديت ما بتبقاش مجدية قوي يعني

العميل: شكراً لحضرتك بس أنا في زيارة للسعودية لمدة 3 شهور وراجع إن شاء الله بعد شهر ونص كده، فلو تكرم معلش أنا آسف على التطويل برده بس عرفنا  إذا كان عندك عبوات كريمات ولوشن ومزيل العرق وزيوت الشعر، كل ما يخص مستحضرات التجميل يعني، ماشي عرفنا بعد إذنك عشان آخد فكرة

المهندس منسي: هوه أردي إحنا بنصنع العبوات ولكن إحنا سياسة شركتنا إن إحنا بنصنع العبوات لشركتها، يعني حضرتك بتصنع لك العبوة بتاعتك إنت وما بنصنعهاش لغيرك، يعني مش عندنا عبوات نقدر نقولك آه عندي عبوات أبيعها ليك ولده ولده ولده… لأ إحنا سياستنا إن إحنا بنعمل على خصوصية العميل، يعني إيه خصوصية العميل؟؟ يعني إحنا لما نيجي نقول مثلاً شركة أوفون، أو شركة سان سيلك، أو لاكتي ويل، أو جونسن آند جونسون، مثلاً نعملهم العبوة ما ينفعش نعملها لغيرهم، فهمتني

إحنا بنشتغل على البراند والماركة وإن إحنا ما ينفعش إن إحنا نعمل عبوة لده ولده ولده، فحضرتك لما تيجي تقلي هنعمل عبوات بالشكل ده هنشوف الاكسواجل بتاعنا إذا كانت اتعملت قبل ولا ما اتعملتش، إذا اتعملت قبل كده هنقولك مش هينفع نعملها، إن اتعملت إحنا اللي عملناها، أما غيرنا اللي عملها مافيش عندنا مشكلة نعملها عادي، فهمتني، فإحنا بنعمل على خصوصية العميل في العبوات بحيث إن العبوة بتاعتك تنزل مميزة بمنتجك، ما ينفعش إن إحنا نعمل منتج وأقعد أبيعه لده ولده ولده… مش بقالة هي، إحنا هنا في مصر أو في العرب عموماً بيعملوا عبوات وأي حد عايز عبوات خد.. خد.. خد….. ما ينفعش

العميل: طيب والبدايات والمطلوب… والكميات وسعر الاسطمبة مثلاً؟

المهندس منسي: هوه بالنسبة للكميات الكميات اللي إنت عايزها لأن دي اسطمبتك، معنى اسطمبتك إنك إنت أي كميات تحتاجها مافيش مشكلة، سعر الاسطمبة

العميل: تمام يعني مثلاً يابشمهندس

بعد إذنك

بعد تصميم الاسطمبة.. سعر قطعة هيداندشولدرز أو بانتين

يتراوح كام مثلاً بالنسبة للألف

اللي هي العبوة النص

المهندس منسي: هوه الأسعار بتبقى عبارة عن العبوات وهي فاضية وزنها في سعر اليوم، بنشوف سعر اليوم كام وبنشوف وزنها وبنضرب السعر × الوزن

العميل: ممتاز

شكراً لحضرتك

وآسف ع التطويل

جزاك الله خير