عبوات وعلب مختلفة الاشكال من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة منسي

المهندس منسي : أيوه

العميل : كنت عايزه أعرف في عبوات بلاستيك اللي هي معالجة لدخول المايكروويف؟

المهندس منسي : اللي هي زي إيه؟ هتعبي فيها إيه أو هتستخدميها في إيه؟

العميل : بتاعت الأكل اللي هي بتبقى واحد عين أو 2 عين

المهندس منسي : طب ابعتلنا شكل الـ…

العميل : هي بتبقى علبة بلاستيك سودا كده وبتبقى معالجة إن هي تدخل المايكروويف ومتقسمة ممكن عين أو 2 عين.. بتاعت الوجبات

المهندس منسي : آه.. آه.. الكمية اللي حضرتك عايزها أد إيه؟

العميل : 30 ألف

المهندس منسي : طب ابعتلنا الشكل والرسم والتصميم وإحنا نعملهملك ما تقلقيش

العميل : يعني إنتم بتصنعوا اللي أنا عايزه عادي، أهم حاجة بتبقى معالجة طيب بس؟

المهندس منسي : آه ما هي بتبقى خامة خاصة بالتفاعلات الكيميائية

العميل : طيب مكان حضرتك فين؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : طيب قولي بتاع مدينة نصر وحدائق القبة

المهندس منسي : هبعتهملك في رسالة حالاً

العميل : طيب أوكيه، طب أبعت الحاجات على إيه؟ إيميل أو حاجة

المهندس منسي : هوه على الإيميل آه، ولكن يستحسن لو حد شرفنا بالعينة لايف

العميل : يعني ممكن أبعتلك حد بالعينة أحسن

المهندس منسي : آه

العميل : طب لو كده إنتم فاتحين الساعة كام؟ المواعيد

المهندس منسي : مواعيدنا في رمضان من 11-9 بالليل

العميل : طيب خلاص شكراً، ابعتلي بس العناوين أهم حاجة

المهندس منسي : ماشي

العميل : ماشي شكراً