عبوات 1 لتر لتعبئة الزيوت مع ماكينات نصف أتوماتيك و أتوماتيكية لتعبئة الزيوت
مشيرة: الو
المهندس منسي: ايوه
مشيرة: مساء الخير
المهندس منسي: مساء الخير يا فندم
مشيرة: أنت حضرتك تبع شركة M2pack
المهندس منسي: ايوه
مشيرة: طيب كويس أنا كنت أخدت نمرتكوا من زمان كنتوا في معرض من المعارض اللي بيعملوها في مصر
المهندس منسي: اه
مشيرة: وكنت عايزة أعرف انتو بتبيعوا مكن للتعبئة ولا containers البلاستيك اللي بيتحط فيها الحاجة
المهندس منسي: الاتنين
مشيرة: طيب كويس أوى أنا عايزة بدور على مكنة بتعبي الزيت عبوات 200 مل لغاية لتر كلها white مفروض تبقى ازاز دي عاملة زي بطرمانات العسل مثلا
المهندس منسي: اه
مشيرة: عندك
المهندس منسي: انتي عايزة المكنة ولا العبوة
مشيرة: والله ممكن تقولي لو عندكوا الاتنين انتو بتعبو في الازاز ولا الباستيك بس
المهندس منسي: لا البلاستيك بس
مشيرة: طيب أنا ساعات بستعمل بلاستيك ممكن أشوف الموضوع ده مفيش مانع بس العبوات بتاعتكوا شكلها ايه بتاعت المكن بقى بتعبوا في ايه
المهندس منسي: هو عموما احنا احنا معندناش عبوات جاهزة احنا بنفذ العبوة بناء على طلب العميل أما المكن ده stable بضاعة حضرتك
مشيرة: طيب minimum order كام
المهندس منسي: لا هو احنا بنعملك الاول اسطمبة الأول وبعدين بنعملك الكمية اللي انتي عايزاها
مشيرة: اوك هسألك حاجة هو ده grade علشان ميبقاش مسرب أي chemicals ولا حاجة في
المهندس منسي: ان شاء الله
مشيرة: ده يعني مكتوبة في حتة علشان الناس اللي معايا بيبقوا عايزين يقروا كل حاجة مظبوطة
المهندس منسي: ان شاء الله
مشيرة: طيب بتعبوا أدوية كمان بتعملوا حاجات الأدوية صح
المهندس منسي: اه اكيد
مشيرة: طيب اوك مفيش مانع طيب قولي المكن اللي حاجات manual ولا حاجات high tech
المهندس منسي: هو في عندنا semi-automatic وفي اوتوماتيك كامل
مشيرة: ايه
المهندس منسي: في عندنا semi-automatic وفي اوتوماتيك كامل
مشيرة: طيب ممكن تديني فكرة الأسعار بتبدي من ايه من كام
المهندس منسي: انتي اللزوجة بتاعتك قد ايه
مشيرة: العبوة من 200 مل
المهندس منسي: اللزوجة اللزوجة
مشيرة: ال ايه
المهندس منسي: اللزوجة ال viscosity
مشيرة: مش سامعة أنت صوتك بعيد أوى مش سامعة حضرتك علي صوتك
المهندس منسي: بقولك اللزوجة أو viscosity
مشيرة: اه it less أقل من المياه
المهندس منسي: نعم
مشيرة: أقل من المياه بس مش عندي النمرة في الوقت الحالي
المهندس منسي: اه يعني خفيف يعني
المهندس منسي: ألو ألو
مشيرة: علشان يبقى أكتر من 30 ، 30 درجة الحرارة تبقى 30 مثلا
المهندس منسي: بقولك اللزوجة اللزوجة بتاعت السايل يعني لزوجة الزيت لزوجة المياه أنهي لزوجة
مشيرة: هي الزيت لزوجة الزيت
المهندس منسي: اه المكنة دي عاملة
مشيرة:
المهندس منسي: أو ما يعادلها بالجنيه المصري 10 آلاف جنيه مصري
مشيرة: طيب أسألك حاجة المكنة دي عبارة عن ايه بالظبط ممكن تديني أنا عندي واتساب عندك واتساب تديني
المهندس منسي: والله لو تقدري تتعبي نفسك شوية وتيجي تشوفي المكنة على الطبيعة ده هيكون أفضل بكتير وتجيبي المادة بتاعتك
مشيرة: فين يا أستاذ
المهندس منسي: وتجيبي المادة بتاعتك بحيث ان انتي تجربيها على الطبيعة، احنا عندنا حدائق القبة مدينة نصر باب الشعرية
مشيرة: طيب أسألك حاجة ممكن تديني خلفية أنا عندي فكرة حلوة أوي المكن اللي عند
المهندس منسي: بصي صلي على النبي هي الخلفية اللي في التليفون بتبقى عاملة زي ما تكون واحد متغمية مغمياله عينيه وبتقوليله ايه اللي في ايدي ده
مشيرة: طبعا طبعا أنا هجيلك ان شاء الله بس عايزة آخد رأيك في حاجة لو ممكن
المهندس منسي: لما تكون الحاجة لايف بتبقى اعتقد
مشيرة: طبعا طبعا معاك حق بس السؤال اننا لو عندي كمية عايزة أعبي وأجرب أشوف ايه أحسن مكن هل ممكن أستخدم عندكو
المهندس منسي: لا لا
مشيرة: ولا معندكوش حاجة زي كده
المهندس منسي: احنا بنبيع احنا بنبيع مش بنعبي للغير
مشيرة: طيب هسألك حاجة تانية عندك ماس اشتروا حاجة قريبة منها أقدر أستخدمها على الطبيعة مثلا مصنع يقدر يأجرلي لفترة الي أنا استخدمها علشان اشوف أي واحدة تناسبني ولا معندكش التوفيق ده
المهندس منسي: اه
مشيرة: أنا عايزة أجرب بصحيح وعندي مصنع أشتغل فيه
المهندس منسي: اه اه احنا للأسف بنبيع وبس مبناخدش الداتا بتاعت الناس اللي بنبيعلها
مشيرة: طيب ماشي طيب يعني أجيب معايا شوية علشان نجرب نعبي
المهندس منسي: اه بس مش هتعدي تجربي كتير ده انتي هتعبي واحدة يعني
مشيرة: ما أنا فاهمة طيب قولي حاجة الطريقة اللي بيتسحب منها الزيت ازاي هل في زي حاجة كده في المكنة اللي بيتحط فيها
المهندس منسي: اه بيبقي زيت vacuumed بيبقي نظام فاكيوم ميسدبيج فاكيون ميسدبيج
مشيرة: نظام ايه
المهندس منسي: فاكيوم ميسدبيج فاكيوم ميسدبيج ازاي
مشيرة: او يعني ممكن أجيبلك أخدها من الدرم مثلا لو 1000 لتر كاملة
المهندس منسي: اه اه اه
مشيرة: طيب دي حاجة نظيفة أوي دي أحسن حاجة ممكنة
المهندس منسي: امم
مشيرة: دي اللي هي ب
المهندس منسي: ان شاء الله
مشيرة: طيب ودي بتظبط العبوات انها بتعمل المقاسات بالزجاج اللي أنا عايزة أحطه فيه
المهندس منسي: مظبوط اه
مشيرة: أفندم
المهندس منسي: مظبوط مظبوط كلامك فيها magnetic key magnetic key دي اللي هي يعني مفاتيح مغناطيسية انتي بتعايريها
مشيرة: اه اه
المهندس منسي: حيث انها انتي عايزة 150، 130، 200، 1000، 950، 970 أي رقم أي كان انتي بتحدديه بتحدديه وهي بتنزلك الكمية بتاعته
مشيرة: اوك ودي بتبقى manual تعتبر دي manual ولا semi manual ولا اوتوماتيك
المهندس منسي: لأ دي نص أوتوماتيك semi-automatic ، half automatic
مشيرة: Semi-automatic اوك ودي مفيهاش labeling ولا أي حاجة
المهندس منسي: اه لأ هي وحدة التعبئة لوحدها وحدة labeling لوحدها وحدة تقفيل الغطاء لوحدها وحدة التقفيل بتاعت الشرمنك بردو لوحدها كل وحدة لوحدها لما نيجي نجمع الوحدات دول بيبقي اسمه product line يعني خط انتاج
مشيرة: اه اه
المهندس منسي: أما طول ما احنا بنتكلم في مكنة يبقى كل مكنة لوحدها ممكن تاخدي semi اوتوماتيك وفي المستقبل تخليها اوتوماتيك
مشيرة: استنى الاوتوماتيك بتعمل حاجات أكتر
المهندس منسي: الأوتوماتيك just انك انتي بتحطيلها بس العبوات أنما النص اوتوماتيك انتي بتحطي العبوة وبتاخديها منها
مشيرة: طيب أسالك حاجةلو انا لسه ببتدي المشروع أنا بقالي بص أنا هقولك situation أنا بقالي سنتين أو 3 سنين بستورد الحاجة finished product عبوات زي ما بقول لحضرتك من 200 مل ل ليتر
المهندس منسي: امم
مشيرة: لكن أنا بفكر علشان أكبر الدنيا وأقلل البضاعة اللي أنا بستوردها اني آخد بنس واعملها هنا علشان أشتري بالمصري أحسن الحاجة ال local أحسن مما نشتري البتاعة كلها وانت عارف لأن
المهندس منسي: هو في حاجات كتير أوي في حاجات كتيرة أوي تقدري تصنعيها هنا أعتقد ان الجودة مش هتختلف كتير أبدا مش هتختلف خالص يعني مثلا لما تيجي تقارنيها بأمريكا لأ احنا متفوقين على أمريكا فيها
مشيرة: طيب بص اللي أنا عايزة أقوله لو انت لسه بتبدي
المهندس منسي: يعني في العبوات احنا متفوقين في العبوات احنا متفوقين على أمريكا
مشيرة: السؤال بتاعي لحضرتك نصيحة بس علشان انا هاجي أشوف على الطبيعة لو انا هعمل الإزازة وعايزة أحطها في العبوة وكله كلين وسيمي مانيول وبعدين ابقى أحط يدوي الغطيان والكوفرينج والحاجات التانية دي ولا أجيب مكنة علشان أنا عايزة يكون كل التغليف نظيف أوي اجيب
المهندس منسي: اه بص أنا كتاجر أقولك خط انتاج كامل طيب كمهندس
مشيرة: لأ احنا هنبتدي بحاجة واحدة أو اتنين
المهندس منسي: طيب كمهندس أقولك ايه
مشيرة: اه قولي قولي رأيك أنا بديلك الصورة علشان
المهندس منسي: رأيي كمهندس ان انتي تبدأي بنص اوتوماتيك بحيث ان كل حاجة تدرسيها اول بأول بحيث ان انتي تبقي مهندسة مكنك
مشيرة: ايوه
المهندس منسي: بحيث انك متجيبيش صنايعية يتحكموا فيكي
مشيرة: ايوه
المهندس منسي: تبقي انتي عارفة ومثقفة في حاجتك وفاهمة حاجتك كويس تقومي تقدري لما بعد كده تجيبي صنايعية تبقي انتي اللي تعرفهم
مشيرة: اه
المهندس منسي: تبقي انتي المهندس بتاع مكنك أنا لو تاجر أقولك ايه أقولك لأ هعظم الربحية هأقولك ايه هأقولك لأ هاتي المكن كله خط انتاج كامل
مشيرة: مش هينفع يا أستاذ
المهندس منسي: ما أنا جايلك أهو اسمعي كلامي للآخر بس الله يرضى عليكي
مشيرة: اتفضل
المهندس منسي: إنما أنا كمهندس بقولك ايه بقولك لأ ابدأي نص اوتوماتيك ابدأي نص اوتوماتيك اتعبي شوية في الاول بس بعد كده هتلاقي نفسك اتعلمتي حاجة كويسة اوي انك انتي تصيني مكنتك بنفسك
مشيرة: اه
المهندس منسي: وانك انتي فاهمة يعني ايه مكنة لأن النص اوتوماتيك في يوم من الأيام هتبقى مكنة هتبقى اوتوماتيك يعني yes we can احنا نقدر نخليها اوتوماتيك كاملة ودي من النادر انك تلاقيها في الوطن العربي
المهندس منسي: ليه لأن احنا مهندسين مش تجار
مشيرة: اه
المهندس منسي: فاحنا بنصنع المكن بتاعنا احنا بنستورد السبيك باسس وبنجمعها فاحنا فاهمين بنعمل ايه فهمتيني ازاي
مشيرة: فأنت بتقولي آخد النص اوتوماتيك وبعدين grade basically لأوتوماتيك وأزود خط الانتاج
المهندس منسي: Future up grade
مشيرة: صح كده
المهندس منسي: يعني في المستقبل تقدري تعملي up grade ليه وتخليه اوتوماتيك
مشيرة: اوك دي حاجة جميلة ده اللي ب ولا عندك أرخص
المهندس منسي: في ب وفي ب ده الو البداية في بقى اتنين نوزيل في 4 نوزيل دي عاملة فاهمة يعني ايه نوزيل
مشيرة: لا لا بص 4 نوزيل مش مش هينفع أوي مش هتفرق لو احنا اتنين مثلا بنشتغل الخط عندنا 2 بس مش هتفرق من واحد وال output بصراحة هيبقى حوالي output بتاع دي هيبقى قد ايه في الساعة اللي أنت بتتكلم عنها هي نوزيل واحدة ولا 2 نوزيل ، نوزيل واحدة
المهندس منسي: هو المفروض في وان نوزيل مفروض الأوت بوت بتاعها حوالي 1500 في الساعة في 2 نوزيل 3000 في الساعة
مشيرة: طيب أنا مش هحتاج لا لا أنا خط لسه بيبي خالص أنا لو كده يبقى حلو أوي اللي أنت بتقولهولي ده اللي هي وان نوزيل
المهندس منسي: اه
مشيرة: شخص واحد ياخد الحاجة بإيده ويروح حاطط الحاجة لحد تاني ويغطوها طيب انا عايزة فويل بيتغطى بالفويل
المهندس منسي: موجود اه
مشيرة: دي مكنة تانية
المهندس منسي: اه دي مكنة تانية اسمها بردو عندنا
مشيرة: دي مش غالية أوي أكيد صح
المهندس منسي: اه يعني بتبدأ من يعني 2000 جنيه مصري
مشيرة: يعني ممكن نعملها دي مع دي والغطا بالإيد
المهندس منسي: اه
مشيرة: مش مشكلة لازم نبتدي نضحي شوية بال مش كده
المهندس منسي: اه هو هو انتي في البداية بتعتمدي على العمالة أكتر من الماكينة بعد كده بتبدأي ت ابديت الماكينة علشان تعتمدي على الماكينة افضل من العمالة
مشيرة: اوك يبقى أنا هأجيلك حضرتك فين المكان اللي انا أقدر أشوف الحاجة على الطبيعة
المهندس منسي: بصي يا ستي أنا مستشار الشركة مش المبيعات أنا هبعتلك تليفون المبيعات دلوقتي في رسالة وهتتعاملي معاهم
مشيرة: اوك ممكن حضرتك تبعتلي
المهندس منسي: أقربلك ايه انتي عندك عندك باب الشعرية حدائق القبة مدينة نصر أقربلك ايه
مشيرة: أول حاجة قولتها ايه
المهندس منسي: باب الشعرية حدائق القبة مدينة نصر
مشيرة: أول اول هو مدينة نصر متهيألي أكتر حاجة أنا عارفاها أعرف أروحها
المهندس منسي: طيب انا هبعتهالك في رسالة دلوقتي حال
مشيرة: طيب أنا اسمي مشيرة أحمد
المهندس منسي: هبعتلك الداتا
مشيرة: حضرتك مين معايا
المهندس منسي: المهندس منسي
مشيرة: المهندس مجدي
المهندس منسي: منسي م ن س ي
مشيرة: ممسي
المهندس منسي: منسي م ن س ي m a n s y
مشيرة: منسي اوك منسي منسي أنا اوك سمعت شكرا مش سامعة كويس
المهندس منسي: لا ولا يهمك
مشيرة: اوك مهندس منسي أنا متشكرة جدا
المهندس منسي: العفو يا ستي
مشيرة: وهستنى من حضرتك المسدج علشان أبص على الحاجة
المهندس منسي: ماشي يا ستي
مشيرة: فرصة سعيدة
المهندس منسي: الله يباركلك مع السلامة
مشيرة: شكرا
