عبوات 125 مللي للصابون السائل من شركة المهندس منسي

 

العميل: السلام عليكم

المهندس منسي: عليكم السلام ورحمة الله وبركاته

العميل: لو سمحت كنت بسأل على سعر عبوة 125 مللي صابون سائل

المهندس منسي: عايز كمية أد إيه؟

العميل: 200 ألف

المهندس منسي: ده هيبقى على حسب وزن العبوة وهي فاضية، يعني حضرتك بنوزن العبوات وهي فاضية وبناء عليه بنبدأ نحددها، يعني مش العبوة بتحسب بالسعة، العبوة بتتحسب بوزنها وهي فارغة

ماشي إيه الأوزان اللي موجودة عند حضرتك؟

المهندس منسي: يعني ممكن مش الأوزان اللي موجودة عندي، الوزن اللي العميل بيحدده، بيقول أنا عايز عبوة خفيفة، تقيلة، متوسطة…

العميل: متوسطة، أو خفيفة

المهندس منسي: هوه إنت عايز سعر وبس

العميل: عايز أعرف سعرها عشان لو كده ممكن أنفذ، بس العبوة بالبامب بتاعها، مش العبوة بس

المهندس منسي: أهو البامب بقى حضرتك تيجي تشرفنا تختار البامب اللي إنت عايزه، أو تبعتلنا صورة بالبامب اللي إنت عايزه

العميل:  خلاص تمام، أبعت لحضرتك الصورة على الواتس ده

المهندس منسي: ابعته آه… مافيش مشكلة

العميل: ماشي يا باشا هبعتلك حالاً ولو كده تقولي مثلاً هتعمل كام؟

المهندس منسي: إن شاء الله

العميل: ماشي يا باشا

المهندس منسي: مع السلامة