علب فاكيوم لتغليف التمور من شركة المهندس منسي

العميل: السلام عليكم

المهندس منسي: وعليكم السلام

العميل: هل متاح تصنيع علب

المهندس منسي: نعم لدينا من فضلك راسل الشركة على إيميل info@m2pack.com

العميل: مع حضرتك شركة كنوز العالية من مكة بالسعودية، إحنا شركة بننتج التمور، وأنا مع حضرتك خالد مدير تسويق الشركة

أنا كنت قريت على النت إن إنتم بتعملوا الفاكيوم والحاجات المضغوطة لأنه إحنا بنستخدم الفاكيوم في ضغط التمر مع المشمش والتين واللوز، فلو عند حضرتك برده خلفية عن مكن الفاكيوم أو في استعداد إنك تفيدنا في موضوع الفاكيوم هل ممكن نجيب مكنة إنت تشوفلنا مكنة تبيعها لنا، فهمني موضوع الفاكيوم ده هل ينفع نستخدمه هنا ولا لأ من عندك يعني

تاني نقطة العلب اللي أنا بعتها لحضرتك ده تغليف شركات تانية، إحنا بنغلف علبة كرتون عبوة كيلو معمولة بالأزاز، هبعت لحضرتك صورتها ، فإحنا ياريت لو عند حضرتك أفكار أفضل من العلب اللي أنا بعتهالك ياريت عشان ما نبقاش مقلدين، لأن إحنا لو عملنا نفس العلب دي يبقى إحنا قلدنا شركات تانية، فإحنا عايزين أي فكرة.. طبعاً ده مجال حضرتك ومجال شغلك، إحنا شركة تمر، تمر سادة بيتعبى مثلاً عبوة كيلو، وعبوة مثلاً نص كيلو، فلو  عند حضرتك أي أفكار تانية إن إنت تقدر تبعتلي صور علب من عندك تكون تصلح إن يتعبى فيها تمر، يعني عايزين فكرة جديدة، عايزين فكرة جديدة تدينا تميز في السوق شويه

ده أول موضوع، الموضوع التاني زي ما قلت لحضرتك موضوع الفاكيوم، أنا كنت تقريباً في مهندس اسمه حمادة كلمته واداني رقم واتس بس للأسف رقم الواتس بتاعه مش ظاهر خالص عندي، فبعد إذنك ده رقمي وده الواتس خليه هوه يكلمني على الواتس ويقولي إيه المتاح عندكم أفكار جديدة في التغليف، ولا حضرتك معنى كلامك عايز إن أنا أنفذ الاسطمبة دي إن إنت تنفذلي الاسطمبة دي زي ما هي، فلو مافيش أفكار جديدة هنضطر نعمل نفس الاسطمبة دي، وأنا بعت لحضرتك النوع الشفاف والنوع المط اللي مش شفاف، فهل ده إن شاء الله برده هيتوفر عند حضرتك الخامات بتاعته، وتقريباً… مش عايز السعر بس تقريباً يتراوح سعر العلبة كام، لأنه إحنا إن شاء الله هنعمل كميات يعني، فأشكرك لأن أنا خدت من وقتك وعطلتك يعني، فأشكرك وأرجو الرد عليا، أشكرك

المهندس منسي: تمام … تقدر تيجي معارضنا وتشوف اللي يناسبك