عينات اكياس المحاليل والمياه المعقمة من شركة المهندس منسي
العميل : السلام عليكم
المهندس منسي : وعليكم السلام ورحمة الله وبركاته ايه يا باش مهندس .
اهلا بيك
العميل : انا مع حضرتك دكتور خالد مصطفي كلمت حضرتك الصبح وقولتلى هتكلمنى عشان العرض اللى عايزه منك والعينات اللى انا عايزها .
المهندس منسي : عرض ايه ؟
العميل : بص حضرتك احنا شركة التروسفارما فى اسكندرية احنا شركة تحت الانشاء تمام ؟
المهندس منسي : اه
العميل : احنا هننتج اه محاليل ومايه فى اكياس اللى هى فى اكياس المايه اللى بيحللوا بيها المضادات الحيوية
المهندس منسي : اه
العميل : تمام
المهندس منسي : اه
العميل : فانا كنت عايز من حضرتك تورد لنا عينات عشان لو كده تتعاقد مع بعض
المهندس منسي : عينات ايه عينات الاكياس ولا عينات المكن ولا ايه بالظبط ؟
العميل : اه ، عينات الاكياس
المهندس منسي : طب ما الحاجة موجودة برولاتها
العميل : ماهو عشان كده انا بقول لحضرتك انت عارف الاكياس ديه انت عارف المواصفات بتاعتها وردوا لشركات بتعمل مايه قبل كده ولا ايه ؟
المهندس منسي : هو انت متعرفش شركة المهندس منسي ، ياريت بعد اذنك دور على شركة المهندس منسي واعرف تقلها فى السوق الاول .
العميل : والله ياباش منهدس انا شفت وانا عارف
المهندس منسي : لا لا احنا بقالنا عشر نين مايه وكده .
العميل : تمام تمام يعنى ايه وردنا قبل كده
المهندس منسي : يعنى وردنا عينات الاول احنا شركة محترمة مش شركة قليلة نعمل حاجات زى كده حضرتك تشرفنا البضاعة موجودة بضاعة حاضرة خدها فى ايدك وتوكل على الله .
العميل : ان شاء الله .
المهندس منسي : السلام عليكم .
