عينات بلاستيك جويند من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : لو سمحت معاك د/ رحمة من شركة إيجيبت فارما، أنا كنت في السايد بتاعكم لاحظت إنكم بتعملوا بلاستيك جوينت، إنتم في عندكم بلاستيك جويند؟
المهندس منسي : لا هوه إحنا بناخد بالطلب
العميل : بتعملوا بالطلب، ما هو إحنا كنا محتاجين أصلاً عينات، كنا محتاجين بلاستيك جوينت 200 جرام
المهندس منسي : إحنا سبورتد للمصانع والبراندات والماركات العالمية، يعني إنت مثلاً ماركة ففي الآخر مش هينفع نعملك منتج ونيجي نعمل لأمة لا إله إلا الله، يعني المنتج عندنا بنعمله للشركات بتاعتها، بنعمل التصميم وكل حاجة مخصوص لشركة فلان، يعني نفترض بانتين العبوة بتاعتها ينفع إن إنت تقلديها؟
العميل : لأ أكيد تمام
المهندس منسي : فإحنا بنعمل مثلاً عبوة بانتين ما ينفعش نعملها لحضرتك، ما ينفعش نعمل عبوة سباركل لحضرتك
العميل : تمام… أنا لو قلتلك…
المهندس منسي : ما عندناش عبوة بضاعة حاضرة، بنصنع عبوات لحساب الغير، أما لو إنتي عايزه تعملي عبوة ليكي إنتي فبنعملك اسطمبة، بناء على الرسمة بتاعتك تكلفتها
العميل : أوكيه تمام، يعني إحنا دلوقتي إحنا دلوقتي شركة إي جي فارما ولازمني بلاستيك جوين المفروض إن هوه كريمي العلبة بتاعته هتكون 200 جرام، لو أنا حبه أعملها عندك لازم أجيبلك الاسطمبة بتاعت العلبة وأقولك عليها فإنت تجهزها وهكذا صح كده؟
المهندس منسي : مضبوط آه
العميل : خلاص أوكيه خليني أرجع أتشاور مع مديري وأرجع أكلمك تاني، تمام؟ مين معايا لو سمحت
المهندس منسي : المهندس منسي
العميل : خلاص أوكيه، مرسي جداً يا باش مهندس، خليني أشوف مع المدير بتاعي ونرجع نتفاهم
المهندس منسي : إن شاء الله
العميل : مرسي باش مهندس منسي إزي حضرتك
المهندس منسي : أهلاً بيكي
العميل : أنا د/ رحمة من إي جي فارما كنت لسه مكلمة حضرتك من شويه بخصوص البلاستيك جوين 200 جرام
المهندس منسي : اتفضلي
العميل : لو سمحت كنت محتاجة حضرتك تبعتلي ميل بالكتالوج بتاع حضرتك وعرض السعر كمان بالنسبة للبني وبالنسبة للسادة
المهندس منسي : طب ابعتلنا طلب عرض أسعار وإحنا نردلك عليه
العميل : طيب أستأذن حضرتك في الميل؟
المهندس منسي : هبعتهولك في رسالة حالاً
العميل : طيب هستنى حضرتك تبعتلي الميل وأنا هبعتلك الطلب
المهندس منسي : أوكيه
العميل : متشكرة جداً، مع السلامة
