عينات ورق ميتالايز من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس

المهندس منسي : أيوه

العميل : مع حضرتك يا باشا أ/ أحمد كامل شغال في مجال الدعاية والإعلانات، مصمم جرافيك

المهندس منسي : أهلاً بيك

العميل : أهلاً بحضرتك باش مهندس أنا دلوقتي معايا شغلنا عشان ما أطولش على حضرتك، أنا هعطل حضرتك أو حاجة؟

المهندس منسي : لا خد راحتك

العميل : الله يخليك، باش مهندس أنا معايا شغلنا، طبعاً حضرتك عارف الورق اللي هوه الميتالايز

المهندس منسي : ورق إيه؟

العميل : ورق الميتالايت، اللي بيغلفه بيه.. اللي بيعمله أكياس الشيبسي والحاجات دي

المهندس منسي : آه

العميل : أحياناً إحنا في مجال الطباعة بنحطه في الدبلكس ونطبع على ورق الدبلكس، زي كأنه متغلف يعني

المهندس منسي : آه..

العميل : ده بيحتاج المكن الفليكس للطباعة

المهندس منسي : لا ده مش مكن فليكس، إحنا بنطبع بطريقة اسمها روتوجرافيك، دي أعلى أنواع الطباعة

العميل : أنا قريت كده على الواتس آب، وعشان كده بتصل عشان أعرف هل التقنية دي تنفع تطبع على الورقة دي؟

المهندس منسي : آه طبعاً

العميل : تمام يا فندم، حضرتك اشتغلت قبل كده على الميتالايز، أو في عند حضرتك خبرة في المجال دا

المهندس منسي : إحنا رواد جمهورية مصر العربية والوطن العربي في المجال ده يعني إحنا من أوائل الناس اللي داخلين المجال ده

العميل : طب دلوقتي يا باشا أنا دلوقتي الورق ده عايز أشتريه، أنا في الأصل أصلاً عايز أعرفك أصل الشغلانه نفسها عشان أعرفك أصل الشغلانه عشان لو في نصيب بإذن الله، ده باشا ورق لف هدايا، طبعاً إحنا لما جينا نشتري ورق لف هدايا طبعاً الأشكال كلها جاهزة من الصين، يعني العميل مش عايز كده، العميل عايز يحط اللوجو بتاعه والشغل بتاعه، على الأقل اللوجو ورقم التليفون

المهندس منسي : آه..

العميل : تمام… فطبعاً هنطبع عليه الحاجتين دول 4 لون، لسه أنا ما شفتش التصميم بالضبط، إنما اللوجو اللي معايا حالياً أورنج وأزرق، بس إحنا يعني نتكلم إنه هوه 4 لون، في بدايته يا باشا الورق الميتالايز ده تقريباً بيبقى رول برده تقريباً بيجي وبيتقطع …. فدلوقتي يا باشا عايزين في حدود ربع طن، إحنا حسبناها بلغة الأرفخ بتاعتنا في الطباعة طلع بتاع 4000 أو 5000 فرخ تقريباً

المهندس منسي : آه…

العميل : وهي دي الكمية المطلوبة ربع طن بالتقريب يعني.. دلوقتي إيه حساب الطباعة لو أنا جبت الورق الميتالايز لحضرتك

المهندس منسي : بص هوه في قائمة أسعار بنحسب بيها الطباعة، هيبقى صعب إني أنا أقلك حساب الطباعة كام، ولكن حضرتك تجيبلي المادة اللي إنت عايز زيها، أو تيجي عندنا وتختار المادة اللي إنت عايز زيها، تختار مادة الميتالايز وتقلي مثلاً أنا عايز زي دي، أقدر أقولك دي…

العميل : عند حضرتك خامة يا باشا؟

المهندس منسي : عندنا آه أردي

العميل : يعني عند حضرتك ورق ميتالايز؟

المهندس منسي : آه إحنا عندنا أردي، عندنا…

العميل : آه.. تمام.. يا باشا

المهندس منسي : ده إحنا أساسي…

العميل : آه ده أساسي عند حضرتك، أنا بكلمك يا باشا وعارف إن شاء الله إن الشغلانة هتم عند حضرتك بعون الله

المهندس منسي : عندنا الخامات قبل الطباعة وبعد الطباعة، يعني…

العميل : ما شاء الله ربنا يزيدك يا باشا

المهندس منسي : وإنت حتى لو احتجت خامات من غير طباعة بديلك عادي

العميل : آجي أشتري منك، وبسعر الجملة يعني سعر حلو؟

المهندس منسي : إحنا بنبيع جملة الجملة، إحنا مستوردين

العميل : ما شاء الله، طب ما هوه لو كده خلاص يا باشا آخد الورق من عند حضرتك مجيبوش من بره

المهندس منسي : آه…

العميل : يعني كده يا باشا خلاص احسبلي دلوقتي…

المهندس منسي : ما هوه أنا مش عارف إنت عايز الورق ولا عايز تطبعه ولا عايز إيه بالضبط

العميل : آه خلاص بص يا باشا مادام إنت بتستورده

المهندس منسي : آه…

العميل : بص خلاص يا باشا انسى اللي أنا قلته كله أنا دلوقتي عايز أسعر ربع طن ميتالايز وخلي أسعار الطباعة 2 لون و4 لون، تكلفني كام، والورق من عند حضرتك

المهندس منسي : بص هوه أنا الـ 2 لون بالنسبة لي زي الـ 4 لون، حط 4 لون، لإن أنا بعمل حاجة اسمها فكر نيو هاو فالنسبة لي 2 لون زي واحد لون زي 4 لون…

العميل : طب تمام 10 ÷ 10

المهندس منسي : يعني إنت هتجيبلي التصميم وهتيجي تشرفنا بالزيارة وتختار الخامة اللي حضرتك هتعجبك، أو تيجيب الخامة اللي هجباك وتقلهم عايز برايز ليست بالحاجات دي، هيدولك قائمة أسعار

العميل : لأ بص يا باشا أنا هستأذنك في حاجة بالعشم مش موضوع إن أنا بضطر عليك، الموضوع مستعجل قوي ولازم الجماعة يوصلهم عرض سعر في أقرب وقت، فإحنا خلينا حتى نشتغل في الميتالايز العادي وأنا أحاول أجيلك، يعني أسكتهم بأي سعر تقريبي وإن شاء الله أنا أحاول بكرة أجيلك باب الشعرية

المهندس منسي : ما هوه ده شغل بدون نظام أنا معرفش أقولك بأي سعر، أنا…

العميل : لأ مش قصدي…

المهندس منسي : خش على النت واكتب طباعة روتو المهندس منسي، طباعة روتوجرافيك المهندس منسي، هتلاقي أسعار كتيرة جداً، اختار سعر من دول وادهوله، وإنت ونصيبك

العميل : يعني مينفعش دلوقتي يا باشا تديني سعر…

المهندس منسي : أقولك سعر إيه في إيه ما هوه أي واحد هيكلمني يقولي اديني سعر، أديلك سعر في إيه؟ إيه في إيه

العميل : يا باش مهندس افهمني، إيه الخامة اللي أنا هبص عليها أمسكها عشان أقولك دي سعرها كذا؟ إيه الكمية؟ إيه العرض؟ إيه الطباعة؟ الطباعة ديت عدد ألوانها أد إيه؟ واخد بالك ما أنا يا ريس قلتلك المعلومات دلوقتي كلها، الكمية والطباعة حضرتك قلتلي 4، احسب على الورق الميتالايز العادي

المهندس منسي : ما هوه الميتالايز ده أنواع، في ميتالايز 20 20، وفي ميتالايز 40 40، وفي ميتالايز 15 20 40، وفي ميتالايز 12 5 40، وفي أنواع كتير جداً

العميل : آه.. التخانة بتاعته يعني، السماكة بتعته..

المهندس منسي : السماكات آه…

العميل : طب هقول لحضرتك على حاجة متعتبرهاش يا باش مهندس والله غلاسه مني إني أنا آخد السعر…

المهندس منسي : لا مفيش غلاسه ولا حاجة كل اللي عليك إنك بدل ما تتعب نفسك معايا ونتعب بعضينا كل اللي عليك زي ما بقولك كده، اكتب أسعار طباعة روتوجرافيك.. أو اكتب طباعة الروتوجرافيك المهندس منسي

العميل : تمام

المهندس منسي : الجملة دي كده أسعار طباعة الروتوجرافيك المهندس منسي، هتخش..

العميل : طب… طب…

المهندس منسي : اسمع كلامي بس لوجه الله، هتخش هتلاقي عدد من الأسعار، هتلاقي نفسك في سعر من سعرهم

العميل : طب خلاص تمام.. أنا كتبت أهوه طباعة روتوجرافيك…

المهندس منسي : اكتب أسعار طباعة روتوجرافيك المهندس منسي

العميل : خلاص تمام… ماشي..

المهندس منسي : أو لو كتبت برده روتوجرافيك المهندس منسي وعملت سيرش بيها برده هتطلعلك

العميل : طب خلاص تمام.. تمام..

المهندس منسي : هتلاقي عدد كبير جداً من النتائج هتبدأ تختار النتيجة اللي هتلائمك

العميل : تمام..

المهندس منسي : إنما علشان خاطر إن أنا أفصل معاك وإحنا مع بعض دلوقتي وأقعد أفصل معاك ده الواحد دماغه تتفلق، بيتصل بيا في اليوم عدد كبير، فده هيبقى صعب جداً يعني

العميل : ربنا يعينك يا فندم، طب معلش يا باشا أنا آسف لو تقلت على حضرتك

المهندس منسي : لا خد راحتك خالص

العميل : طب دلوقتي يا باشا في سؤال ده مأرقني أنا اللي ماسك الشغلانه، دلوقتي يا باشا الطباعة بتاعت الروتوجرافيك، الفلسكو كان معظم المكن اللي في مصر كان آخره 20 سم، هل عندكم العرض، هل عندكم الموضوع ده مفتوح؟ المقاس مفتوح معايا؟يعني معظم… مافيش حاجة اسمها في مصر 20 سم، مين اللي قال الكلام ده؟

المهندس منسي : لأ إنت بتتكلم على طباعة تانية، اللي إنت بتتكلم عليها دي حاجة اسمها ليتر برت، اللي إنت بتطبع بيه الليبر

العميل : هوه كان حد قالي إن الفلكسو…

المهندس منسي : الفلكسو ليتر برت اللي هوه هيطبع طريقة بتاعت

ه اسمه نايلون برنت

العميل : ده اللي هوه…

المهندس منسي : لا.. لا إحنا آخرنا 50 سم

العميل : لا ممتاز 10 ÷ 10

المهندس منسي : عايز تشتغل على 120 سم، يعني لو عايز تشتغل على 50 سم ومضاعفتها عادي مافيش مشكلة، أول كاتيجري بالنسبة لنا 50سم، ده افرض عايز تشتغل 100 سم، ولا حاجة

العميل : أيوه.. أيوه تمام يا باشا خلاص ماشي يا باشا، خلاص أنا هضبط الدنيا ولو كده ما وصلتش هاجي لحضرتك أنا، موجود بكرة يا باشا أجيلك في ميعاد معين؟

المهندس منسي : إنت مش تيجيلي تيجي للمبيعات أنا استشاري بس، مش مبيعات، هبعتلك بقى تليفون المبيعات تتابع معاهم

العميل : آه.. طب ممكن تديني التليفون دلوقتي يا باشا

المهندس منسي : هبعتلهولك في رسالة حالاً

العميل : خلاص ماشي يا باش مهندس، والعنوان برده اللي هوه موجود على الواتس آب؟

المهندس منسي : آه.. في 4 عناوين عندنا، في عندنا حدائق القبة، مدينة نصر، باب الشعرية، 6 أكتوبر

العميل : لا أنا أقرب حاجة ليا حدائق القبة أنا في عين شمس

المهندس منسي : طيب ماشي، هبعتلك حدائق القبة

العميل : تسلملي يا باش مهندس، وآسف على الإطالة على حضرتك، الله يخليك يا باش مهندس تسلملي، سلام عليكم

المهندس منسي : سلام