غطا ازايز الحقن من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: المهندس منسي
المهندس منسي: أيوه
العميل: مع حضرتك د/ إبراهيم دكتور بيطري
أهلاً وسهلاً
العميل: يا أهلاً بحضرتك، أنا عايز أسأل على الغطا بتاع الأزايز يا باش مهندس لو موجود عند حضرتك
المهندس منسي: بنجيبه بالطلب آه بنجيبه من إيطاليا
العميل: حضرتك عارفه اللي هوه الكاوتشه والقطعة الألومنيوم اللي حوليها
المهندس منسي: آه
العميل: طب أنا عايز أسأل على السعر الكمية الكام بكام؟
المهندس منسي: يعني أقل كمية 15 ألف وسعره 35 قرش
العميل: سعر الواحدة 35 قرش
المهندس منسي: إن شاء الله
العميل: تمام… طيب أنا من المنصورة يعني آخدهم إزاي وآخدهم في ظرف أد إيه مثلاً
المهندس منسي: حضرتك بتاخد من 10-15 يوم، حضرتك لو عايز تبعتلنا العبوة ناخد مقاسها مفيش مشكلة وتتواصل معانا تبعتلنا الفلوس وإحنا نجيبهالك
العميل: طب أنا يعني أصورلك العبوة يعني ولا أجيبلك الإزازة
المهندس منسي: يستحسن العبوة أمسكها في إيدي
العميل: طب تمام.. ماشي يا باش مهندس، إن شاء الله انتظر مني تليفون الخميس بالليل هكلم حضرتك أكيد
المهندس منسي: ماشي يا باشا
العميل: متشكر جداً يا باش مهندس.. شكراً، مع السلامة
