فرن شرينك من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت يا فندم عايز أستفسر عن أرخص فرن بتاع شرينك
المهندس منسي: آه
العميل: أو لو في مكنة أنا كنت شفت عندكم مكنة زمان اللي هي بتسلفن يدوي
المهندس منسي: يدوي إزاي؟؟
العميل: اللي هي بتسلفن العلب بتاع سي دي
المهندس منسي: هوه اللي عندنا مكن مش يدوي
العميل: طب لو مكنة يبقى أرخص مكنة بكام؟ ولو في حاجة مستعملة مثلاً بكام؟
المهندس منسي: أرخص مكنة عامله ، يعني 7200 جنيه مصري
العميل: طيب تمام… طب دي بتبقى نص أتوماتيك طبعاً، ولا أتوماتيك، ولا مانيوال
المهندس منسي: أتوماتيك آه إنت ترمي فيها الحاجة وهي تاخدها وتطلعها الناحية التانية على طول
العميل: طيب تمام، والخامات بقى بتاعت التغليف دي موجودة حضرتك؟
المهندس منسي: آه موجودة آه
العميل: يعني لو عندي مثلاً علبة معينة عايز أغلفها بسلوفان أو بلاستيك خاماتها بتبقى موجودة حضرتك بتعملهالي ولا نظامها إيه عايز أعرف
المهندس منسي: موجودة…
العميل: طب العنوان باب الشعرية تمام
المهندس منسي: آه
العميل: خلف مدرسة البنات تقريباً
المهندس منسي: خلف رئاسة حي باب الشعرية، أنا هبعتهولك في رسالة حالاً
العميل: طيب ابعتهولي بعد إذنك، ومواعيد العمل من إمتى، والمكنة دي كبيرة مثلاً هتحتاج عربية نقل ولا ممكن تتاخد في عربية ملاكي ولا إيه؟
المهندس منسي: ممكن تتاخد في عربية سوزيكي صغيرة اللي هي الثمن دي
العميل: يعني أرخص مكنة عاملة 7200
المهندس منسي: آه آه
العميل: طب بالنسبة للخامات عايز أعرف فكرة عن أسعار التغليف نفسها غالية، ولا بتتباع بالطن ولا بالكمية ولا إيه؟
المهندس منسي: الخامات بالذات ما أعرفش أديلك سعر كده سريع، لازم نقعد مع بعض…
العميل: قصدي ممكن آخد كمية قليلة ولا لازم ميني مام أوردار وكده
المهندس منسي: لا لو موجودة بضاعة حاضرة خد الكمية اللي إنت عايزها
العميل: طيب تمام، ماشي يا فندم شكراً، ما أتحرمش منك يا باشا
المهندس منسي: سلام
