فرن شرينك موديل 101 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | لو سمحت كنت بسأل على الفرن الشرينك موجود؟ |
| المهندس منسي | : | موجود بضاعة حاضرة |
| العميل | : | بيشتغل 3 فاز ولا 220 فولت |
| المهندس منسي | : | براحتك |
| العميل | : | دي صناعة إيه يا باشا؟ |
| المهندس منسي | : | دي ماركة، براند عالمي، اسمها ماركة المهندس منسي |
| العميل | : | يعني ده متصنع محلي |
| المهندس منسي | : | لا إحنا عملنا زي المهندس الألماني والإيطالي، عملنا الرسومات وبعتنا صنعنا أغلب قطع الغيار بره وجمعنا في مصر |
| العميل | : | دي باخد عليها ضمان |
| المهندس منسي | : | آه ضمان لمدة سنة ضد عيوب الصناعة و 5 سنين توفير قطع الغيار لحساب العميل |
| العميل | : | طيب أنا بعمل حضرتك بكر اللصق اللي هي بتاع الدوكو والحاجات دي |
| المهندس منسي | : | آه |
| العميل | : | أنا عايز فرن مناسب للموضوع ده |
| المهندس منسي | : | آه موجودة بضاعة حاضرة |
| العميل | : | طيب مكان حضرتك فين يا باشا؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، وعندنا كمان المكنة اللي بتصمغ البولي بروبلين عشان تحوله لاستيكر |
| العميل | : | آه.. ده عشان ألصق الاستيكر على العلبة من بره |
| المهندس منسي | : | لا هو إنت مش بتجيب الاستيكر جامب رول وتقطعه |
| العميل | : | آه |
| المهندس منسي | : | عندي أنا بقى المكن اللي بيصنع الجامب رول ده |
| العميل | : | بجد؟؟ |
| المهندس منسي | : | جدي جديدي |
| العميل | : | لا طيب ده إحنا عايزين نقعد مع حضرتك كده |
| المهندس منسي | : | تيجي تنورني في أي وقت |
| العميل | : | طيب مبدئياً الفرن بكام يا باشا؟ |
| المهندس منسي | : | أو ما يعادله بالجنيه المصري، يعني 7200 |
| العميل | : | طب أنا لو عايز أقابل حضرتك تحديداً أقابل حضرتك فين؟ |
| المهندس منسي | : | عادي إنت ممكن تروح تتفرج على المكنة عادي |
| العميل | : | عشان موضوع التاني، اللي أكبر من الفرن، الفرن ده هنروح نشيله ونمشي مش قضية |
| المهندس منسي | : | آه.. هي موجودة بضاعة حاضرة ممكن تروح تتفرج عليها وهي شغالة |
| العميل | : | اللي هي بتصمغ الجامب رول سواء السوليتب أو الدوكو، ولا السليتيب بس؟ |
| المهندس منسي | : | كل الأنواع |
| العميل | : | ودي حد خادها في مصر اشتغل بيها ولا لسه؟ |
| المهندس منسي | : | لا هو إحنا عندنا فرع بيبيع مكن في قلب الصين، فإحنا بيعنا منها في الصين كتير، أما في مصر هو تقريباً أنا مش معروف في المكان ده |
| العميل | : | طب حضرتك عندك المكنة اللي تقطع البكر الصغير؟ |
| المهندس منسي | : | آه موجودة آه |
| العميل | : | المكنة السليتر |
| المهندس منسي | : | آه |
| العميل | : | بكام يا فندم؟ |
| المهندس منسي | : | دي أنا مش متذكر سعرها، ولكن إنت ممكن تروح الفرع بتاعنا تتفرج عليها برده |
| العميل | : | برده موجودة، ومكنة الصمغ موجودة |
| المهندس منسي | : | آه.. آه.. |
| العميل | : | طيب خلاص، إحنا هنعمل زيارة، وأستأذن حضرتك هكلمك تاني لو احتجت إن أنا أكلم حضرتك |
| المهندس منسي | : | إن شاء الله، لما تروح هناك قولهم المكنة اللي عندكم في مصنع العبور، همه بيقولوا عليها مكنة لامينيشن، ولكن هي عدد من الوظائف، يعني هي بتعمل لامينيشن، وبتعمل كوتينج، وبتعمل تصميغ، وتعمل حاجات كتيرة، فهي دلوقتي شغالة لامينيشن، ممكن تقولوا مكنة التصميغ، يقولك تصميغ إيه؟؟؟ يعني هي عدد من الأوبشن، يعني أنا ضايف لها في الرويندينج ضايف لها وحدتين، وضايف لها حاجة اسمها دراي سلندر، فإنت في التصميغ مش محتاج لا الدراي سلندر، ولا محتاج وحدتين أن رويندينج في الرويندينج |
| العميل | : | طيب تمام، طب بالنسبة للفرن ده يمشيني حلو ولا محتاج حاجة أكبر من كده |
| المهندس منسي | : | أنا مش عارف الطاقة بتاعت حضرتك إيه، فإنت خد واحد وجرب، لقيت الدنيا ماشية خد التاني |
| العميل | : | آه.. خلاص، أنا قصدي الواحد نفسه سهل ما يعطلش |
| المهندس منسي | : | إحنا الحمد لله مكنا معتمدين فيه على السهولة والبساطة |
| العميل | : | حضرتك مين معايا؟ |
| المهندس منسي | : | المهندس منسي معاك |
| العميل | : | يا نهار أبيض، المهندس بنفسه، أنا معاك المهندس رامي فرصة سعيدة جداً إن أنا كلمت حضرتك النهاردة |
| المهندس منسي | : | أنا اللي أسعد يا فندم |
| العميل | : | متشكر جداً يا فندم، كتر خيرك |
| المهندس منسي | : | العفو، مع السلامة |
