فرن شرينك نص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | كنت محتاج فرن |
| المهندس منسي | : | آه موجود |
| العميل | : | بخار |
| المهندس منسي | : | لا اللي موجود هوا حراري |
| العميل | : | طب دي حاجة جميلة |
| المهندس منسي | : | عندنا بس أجيبها لك بالطلب لأنه الطلب عليه قليل جداً جداً، فأنا مش معقول هجيبه وأستنى واحد هيتصل بيا كمان 5 سنين يقولي أنا عايز فرن بخار |
| العميل | : | طب إنت عرض السير عندك في الحراري بكام؟ |
| المهندس منسي | : | عندنا كل العروض |
| العميل | : | أيوه يعني كام يعني؟ |
| المهندس منسي | : | بيبدأ من كام؟ إلى ما شاء الله، بيبدأ من 26 سم، في بقى 40 وفي حاجات كتيرة قوي، لو عايز حاجة بقى عرض قليل في واحد موجود عندنا عرضه حوالي 71-18 سم كده |
| العميل | : | تمام والارتفاع |
| المهندس منسي | : | تقريباً 25، بقول لحضرتك حضرتك شرفني بالزيارة اتفرج على الحاجات عشان الدنيا تبقى أوضح |
| العميل | : | أنا هجيلك أتعرف عليك، معاك مجدي نصيف الشركة العالمية المتحدة للتصنيع، إن شاء الله يبقى في شغل بينا وبين بعض |
| المهندس منسي | : | بتصنعوا إيه بقى؟ |
| العميل | : | سمن وزيت |
| المهندس منسي | : | آه.. يبقى لتصنيع المواد الغذائية، إنما… |
| العميل | : | أنا بديك مختصر على أساس إن أنا أتعرف عليك وأعرف حضرتك عليا والأسبوع اللي جاي أجيلك بس أنا لو احتاجت هحتاج بخار مش حرارة بصراحة، لو في إمكانية إن حضرتك تجيبه وفي وقت قليل يبقى أنا أجيلك |
| المهندس منسي | : | تيجي تنورني في أي وقت، إنت مجيتك عندي مكسب |
| العميل | : | ربنا يخليك يا فندم، مين معايا ؟ |
| المهندس منسي | : | المهندس منسي |
| العميل | : | ماشي يا باش مهندس، بإذن الله أجيلك زيارة الأسبوع الجاي |
| المهندس منسي | : | تيجي تنورني في أي وقت |
| العميل | : | ربنا يخليك يا باش مهندس، سلام |
