ماكينات التعبئة والتغليف بجميع الانواع من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : لو سمحت كنت عايز أسأل على مكنة تصنيع الأكياس
مهندس منسي : آه بص أنا تخصصي مكن تعبئة وتغليف، أي مكن تاني حضرتك هتبعتلنا بيه رسالة فيها طلب استفسار على الإيميل وفريق المراسلات هيرد عليك في خلال من 48 ساعة لأسبوع
العميل : طب بص حضرتك، اسم حضرتك إيه معايا؟
مهندس منسي : المهندس منسي
العميل : بص يا باش مهندس، مبدئياً متشكرين على جهودك الله ينور عليك صراحة
مهندس منسي : الله يبارك لك يا غالي
العميل : بص أنا ما عنديش أي خبرة في المجال دوت، وبرده الماديات مش متوفر الإمكانيات العالية، فكنت عايز أعرف أنا في الصعيد في المنيا، فكنت عايز أعرف لو سعرها مثلاً مرتاح وحاجة كويسة ومنتج مطلوب، شغل برح ما يبقاش حاجة معدية… دي الحاجة اللي ينفع أشتغل فيها
مهندس منسي : هوه في حاجة سنجل وفي حاجة اسمها دبل، دبل يعني مكنتين في مكنة
العميل : تمام
مهندس منسي : والسنجل يعني مكنة
العميل : تمام
مهندس منسي : السنجل اللي هي مكنة بتعمل 65000 جنيه مصري، يعني في حدود 6
العميل : طب دي بتقطع الأكياس بس وتلحمها؟ ولا تقطع وتغلف… تقطع…
مهندس منسي : بتلحم الأكياس وتقطعها لك وتسيبها لك
العميل : الدبل بقى بتعمل إيه؟؟ بتبطع؟
مهندس منسي : الدبل نفس العملية هي برده بتفصل أكياس وتلحمها وتقطعها
العميل : دي اللي وزنها 25 كيلوجرام؟
مهندس منسي : لأ ده إنت كده بتتكلم على مكنة تانية، اللي وزنها 25 كيلوجرام دي مكنة إنتاجية لو إنت عندك حاجة بتعبيها وعايز تلحم الأكياس بعد ما تعبيها دي مكنة بتعمل يعني 2000 جنيه مصري
العميل : دي تعبئة وتغليف يعني؟
مهندس منسي : آه.. يعني إنت دلوقتي مثلاً عندك أكياس رز أو أكياس سكر أو أكياس بقوليات أو فول… وكده، تروح حاططها على سير المكنة ديت هي تاخدها وتلحمها وتوديها لك الناحية التانية
العميل : بتعبي وتغلف ولا بتغلف بس؟
مهندس منسي : دي بتغلف بس
العميل : طب التعبئة والتغليف؟
مهندس منسي : التعبئة والتغليف بقى في نص أتوماتيك وفي أتوماتيك
العميل : طيب النص أتوماتيك بكام؟ والأتوماتيك بكام؟
مهندس منسي : النص أتوماتيك بتعملها في حدود ، يعني 12000 مصري، والأتوماتيك بتعمل في حدود 6 يعني 65000 جنيه مصري
العميل : ماشي.. طب حاجة تانية معلش
مهندس منسي : نعم
العميل : ماكينة تصنيع الأكواب البلاستيكية متوفرة في الشركة عندكم؟
مهندس منسي : آه بنجيبها برده بالطلب، لو إنت احتجتها بنعملها بالطلب، لكن مكن التعبئة والتغليف عندنا بضاعة حاضرة
العميل : طيب دي سعرها إيه؟
مهندس منسي : أي مكن تعبئة وتغليف عندنا بضاعة حاضرة، أما أي مكن صناعي تاني ده مش بضاعة حاضرة، عملية مكنة صناعة الأكواب دي سعرها مش حاضر في دماغي، أنا اللي حاضر عندي تصنيع الأكواب لغاية 5 سم ارتفاع، دي عندي بضاعة حاضرة
العميل : آه.. دي بتصنع اللي هي الأكواب البلاستكية العادية اللي متوفرة في السوق
مهندس منسي : أيوه لغاية 5 سم آه
العميل : دي سعرها أد إيه؟
مهندس منسي : سعرها ، يعني 15000 جنيه مصري
العميل : طيب والخامات بتتجاب منين؟
مهندس منسي : عندنا برده
العميل : طيب دي مثلاً الخامة بنشتريها بالكيلو بنطلعها بالقطعة ولا بنطلعها بالكيلو برده؟
مهندس منسي : آه بتشتريها بالكيلو وبتطلعها بالقطعة
العميل : طب نسبة الربح في معدل أد إيه؟
مهندس منسي : لا ما هو أنا مش محاسب، أنا مهندس
العميل : طيب تمام… سعرها طيب الخامات عندكم والمكنة متوفرة، أنا بجيب الخامة من عندك بحطها في المكنة وهي بتطلعلي الأكياس جاهزة
مهندس منسي : من عندي أو عند غيري، يعني مش شرط تشتريها مني
العميل : مافيش مشكلة، بس متوفرة
مهندس منسي : أيوه متوفرة إن شاء الله
العميل : بطلع كام نوع من أنواع الأكواب، ولا أي اسطمبة بحطها….
مهندس منسي : الاسطمبة تحطها هي تطلعلك الأكواب، بس لغاية ارتفاع 5سم، أما بقى الارتفاع الطويل دي مش تبعي، دي تبع فريق المراسلات في الشركة
العميل : لكن ما عندكش فكرة عنها تعملها أد إيه؟
مهندس منسي : والله أنا هقولك تعمل أد إيه هقولك أي كلام في أي كلام
العميل : في حدود.. يعني تزيد زيادة أد إيه؟ زيادة كبيرة ولا بسيطة؟
مهندس منسي : عملية إن أنا أديلك أي سعر في أي حاجة كده، ليه؟؟ لأن الأسعار طالعة نازلة، طالعة نازلة، فأنا هديلك أي سعر هقولك مثلاً 100 ، ولا مش عارف إيه، هديلك أي سعر.. أي سعر، إنما أنا بديلك سعر الحاجة اللي تحت إيدي بديلك سعرها حقيقي، يعني الحاجة….
العميل : أصل 5 سم…
مهندس منسي : يا جدعان وحد الله، صلي على النبي
العميل : لا إله إلا الله
مهندس منسي : اللي أنا بكلمك عليها دي عندي بضاعة حاضرة، أما البضاعة غير الحاضرة ديت محدش عارف ظروفها إيه، فأديلك أي سعر وخلاص؟؟!!!
العميل : طب تسألي عليها على سعرها؟
مهندس منسي : إنت هتقفل من هنا وأنا هنسى من هنا، فإنت كل اللي عليك ابعت رسالة على الإيميل فيها طلب استفسار، لو ما لكش في الإيميل شوف أي حد جنبك صاحبك ولا حاجة قوله عايز أبعت إيميل للشركة ديت
العميل : مافيش مشكلة.. ماشي، وأنا هأحاول ابعت لك بكرة تاني إن شاء الله كده يكون بعد العصر ولا حاجة أفكر بس فيها، لأنه موضوع الإيميل ماعنديش خبرة فيه جامد
مهندس منسي : طب ما تشوف حد صاحبك يعملهولك ده أبسط مما تتخيل
العميل : سهل عن طريق عادي
مهندس منسي : آه… لو عن طريق الفيس بوك عن طريق أي حاجة ماشي، إنما عن طريق الإيميل….
مهندس منسي : أو شرفنا في الشركة قلهم عايز فريق المراسلات أقعد معاهم، هتقعد معاهم تقدملهم طلبك وهمه هيقلولك هنرد عليك في خلال من 48 ساعة ـ لأسبوع
العميل : ماشي يا باش مهندس، شكراً لحضرتك، شكراً، سلام عليكم
مهندس منسي : عليكم السلام ورحمة الله وبركاته
