ماكينات الفاكيوم من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة إم تو باك لو سمحت
أيوه
العميل: من فضلك كنت بسأل على ماكينات الفاكيوم اللي عندكم، فين مكانكم؟ ومتوفرة معاها الأكياس البلاستيك ولا لأ؟
المهندس منسي: آه… الـ 2 موجودين إن شاء الله، عندنا ماكينات الفاكيوم بجميع أنواعها، وعندنا أكياس الفاكيوم اللي هي معمولة من خامات البولي آميد البولي إيثيلين اللي هي تتحمل الفاكيوم، لأن هي مش أكياس بلاستيك عادية
العميل: آه.. ما هو أنا عارف.. عارف، طيب
المهندس منسي: أكياس فاكيوم مخصصة للفاكيوم
العميل: طيب لو حبينا نيجي حضرتك الفروع بتاعكم فين يعني؟
المهندس منسي: إحنا عندنا فرع في حدائق القبة، وفرع في مدينة نصر، وفرع في باب الشعرية، وفرع في 6 أكتوبر
العميل: فين مدينة نصر؟
المهندس منسي: هبعتلك عنوان مدينة نصر دلوقتي حالاً، هبعتلك التليفونات بتاعتهم وإنت بقى اتصل بيهم، هوه في آخر مكرم عبيد عند عمر أفندي
العميل: تمام.. تمام.. أوكيه طب ينفع تبعتهالي بعد إذن حضرتك لو كده عشان أروح على مدينة نصر دلوقتي؟
المهندس منسي: هبعتهالك في رسالة حالاً
العميل: ماشي يا فندم شكراً لذوقك
المهندس منسي: هوه اسم المدير هناك المهندس أحمد
العميل: أوكيه، طب حضرتك هستأذنك بس ابعتلي الحاجة
المهندس منسي: ماشي يا حبيبي
العميل: شكراً لذوقك
المهندس منسي: مع السلامة
