ماكينات تشكيل الكوبيات البلاستيك والعبوات من شركة المهندس منسي
العميل : سلام عليكم.
المهندس منسي : عليك السلام ورحمة الله
العميل : شركة المهندس.
المهندس منسي : أيوه.
العميل : بقول لحضرتك كنت عايز أستفسر عن.. في ماكينات اللي هي تشكيل بتاعت الكبيات البلاستيك والعبوات دي عندكم.
المهندس منسي : آه اللي عندنا أعلى ارتفاع فيها 5سم.
العميل : أعلى إيه.. أعلى ارتفاع.
المهندس منسي : 5سم آه.
العميل : يعني ما تعملش مثلاً عبوة أزيد من 5سم.
المهندس منسي : الارتفاع، إنت عارف الارتفاع اللي هوه أنهوه؟
العميل : الارتفاع اللي هوه يعني ارتفاع العلبة ذات نفسها.
المهندس منسي : آه مضبوط.
العميل : آه، طيب هي بتعمل كذا حاجة ولا كل مكنة مخصصة لحاجة معينة؟
المهندس منسي : لا بتعمل أشكال كتير وعلب كتير قوي.
العميل : يعني تعمل علب أحجام مختلفة، وتعمل الكبيات اللي هي البلاستيك اللي هي استعمال واحد.
المهندس منسي : آه بص يا سيدي، العلبة عموماً يبقالها 3 أبعاد.
العميل : تمام.
المهندس منسي : يبقالها إيه 3 أبعاد، الطول × العرض × الارتفاع، يعني إيه الطول × العرض × الارتفاع.
العميل : المساحة.
المهندس منسي : سيبك بقى من المساحة، إحنا مش بنحسب دلوقتي المساحة، إحنا بنحسب.. أنا عايز أعرفك يعني إيه ارتفاع ويعني إيه طول ويعني إيه عرض.
العميل : آه.. آه لا فاهم حضرتك أنا…
المهندس منسي : لما يبقى أدام حضرتك علبة آيس كريم مثلاً مربعة أو مستطيلة، الطويل بتاعها ده اسمه الطول.
العميل : الـ.. إيه؟
المهندس منسي : الطويل بتاعها يعني الضلع الطويل ده الطول.
العميل : آه.. آه الضلع الطويل ده الطول، والتاني ده العرض.
المهندس منسي : والتاني ده العرض، واللي فوق اللي من الأرضية لفوق ده اسمه الارتفاع.
العميل : آه اللي هوه العمق الارتفاع.
المهندس منسي : أيوه العمق.
العميل : تمام، دي بقى المكن اللي عند حضرتك أقصى حاجة اللي هوه 5 سم؟
المهندس منسي : آه أقصى حاجة في العمق 5سم، إنما مساحاته بقى مفتوحة، طول × عرض كتير براحتك.
العميل : مساحة المكنة إد إيه بقى؟
المهندس منسي : مساحة الوورك إيريا، مساحة التشغيل ومساحة المكنة نفسها؟
العميل : لا مساحة التشغيل ذات نفسها، يعني مثلاً الاسطمبة تعمل لحد أد إيه مثلاً؟
المهندس منسي : 40 × 60
العميل : 40 × 60…. آه طيب وده حضرتك….
المهندس منسي : 40 سم × 60 سم.
العميل : طيب ماشي، وده بقى أد إيه اللي حضرتك بتقول عليها دي بقى منها أنواع ولا هي حاجة واحدة، مكنة واحدة.
المهندس منسي : إحنا عملنا مكنة واحدة.
العميل : مكنة واحدة بتعمل كبيات اللي هي البلاستيك وعبوات…
المهندس منسي : آه.. بتعمل زي كوباية السلطة وكوباية.. لما تيجي تخش عند مؤمن وعند كنتاكي وماكدونالز هتلاقي….
العميل : أيوه أيوه… العلب اللي هي المختلفة دي.
المهندس منسي : آه اللي هي الشفافة والأبيض وكله.
العميل : آه.. آه، تمام، والعلب اللي هي التخينة المدورة علب الزبادي والحاجات دي كلها.
المهندس منسي : إن شاء الله.
العميل : آه، طب حضرتك دي في حدود كام.
المهندس منسي : 10.
العميل : 10، شغالة نظام إيه بقى دي إن تي.
المهندس منسي : شغالة… يعني إيه مش فاهم.
العميل : نظام تحكم إيه يعني، نظام التحكم بتاعها إيه يعني؟
المهندس منسي : آه… دي دايرة عادية، دايرة بسيطة، دي مش محتاجة دايرة دي إن تي، دايرة دي إن تي في المكن.
العميل : آه.. آه، تمام، طب بالنسبة للاسطمبات بقى يعني مثلاً أعمل الاسطمبات إزاي، في مكنة بتعملها.
المهندس منسي : كل اسطمبة بيبقالها ديزاين وبيبقالها سعر لوحدها.
العميل : آه.. آه، طب يعني مثلاً كل ما أعوز أعمل تصميم أو كل حاجة آجي أقول لحضرتك عليها وتعملهالي وأشتريها؟
المهندس منسي : إن شاء الله.
العميل : آه، تمام، طب بالنسبة مثلاً نفترض مثلاً الاسطمبات بتاعت العلب والكوبيات مبدئياً يبقى كام في حدود الاسطمبة تقريباً؟
المهندس منسي : ما ينفعش ما ينفعش يا ابن عمي أقولك السعر أي حاجة في أي حاجة كده في التليفون، ما ينفعش، لازم نبص على الحاجة كده…
العميل : آه ما أنا هاجي لحضرتك.
المهندس منسي : لازم نبص على الحاجة كده ونقول دي سعرها كذا ده الشغل المضبوط، إنما كونك تقعد في التليفون تضغط عليا أعرف السعر يبقى إنت كده بدور على اللي بيتكلم أحسن.
العميل : لا مش كده هي تصور بس، يعني كتوتل مبلغ.
المهندس منسي : لا بسيطة ما تقلقش اسطمباتها رخيصة.
العميل : البداية بس.
المهندس منسي : يعني اسطمباتها أراوند ألفين تلاتة.
العميل : آه… آه. تمام، وسرعتها سريعة في الإنتاج؟
المهندس منسي : إن شاء الله.
العميل : طيب ماشي، سعر بقى 10 10.5 دي نهايتها.
المهندس منسي : آه.
العميل : طيب خلاص ماشي، العنوان اللي هوه في الموقع بتعاكم.
المهندس منسي : إن شاء الله.
العميل : ماشي ألف شكر يا باش مهندس. مع السلامة.
