ماكينات تصنيع كوبايات الزبادى من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: المهندس منسي

المهندس منسى: أيوه،معاك اتفضل

العميل: بقول لحضرتك كنت عايز أستفسر عن مكنة اللي بتعمل علب الزبادي

المهندس منسى: آه،موجودة آه موجود النص أتوماتيك بتاعتها

العميل: بكام حضرتك؟

المهندس منسى:

العميل: دي صناعة مصري ولا إيه؟

المهندس منسى: دي مصنعنها لحسابنا في الصين

العميل: طب والأتوماتيك الكامل؟

المهندس منسى: دي براند ماركة عالمية

العميل: آه.. إنت حضرتك عندك خلفية بس أنهي علب زبادي

المهندس منسى: إنت لو جيت شرفتنا الحاجات دي بضاعة حاضرة، لو جيت شرفتنا اتفرجت عليها أحسن، لأنه إنت دلوقتي قاعد لا إنت شايف الحاجة، هيبقى صعب عليا إن أنا أوصلك المعلومة

العميل: أنا على الموقع بتاعكم وكده

المهندس منسى: إحنا رقم المكنة عندنا 605

العميل: 605 آه أنا قريت كده بتعمل كذا حاجة

المهندس منسى: آه بتعمل علب الزبادي، علب الحلوى، علب المستردة، علب السلطة، الاكسسوارات… تعمل حاجات كتيرة قوي

العميل: أنا في بس حاجة معينة في دماغي، أقول لحضرتك عليها؟

المهندس منسى: قول

العميل: والله أنا بدور على المكنة اللي بتعمل علب الزبادي اللي بتعمل في لبانيتا، في جهينة، الأشكال بتاعتهم

المهندس منسى: مافيش مشكلة تعملها لك برده

العميل: يعني هي دي مش موجودة

المهندس منسى: بقولك المكنة تعملها، تعمل الأشكال دي، تعمل كل الأشكال لغاية ارتفاع 5 سم

العميل: طيب والمكنة تنتج أد إيه مثلاً؟

المهندس منسى: دي بقى حضرتك ممكن تشرفنا بالزيارة تتفرج عليها لأنه هتنتج العميل: أد إيه في مقاس كام في حجم إيه؟؟؟؟

المهندس منسى: آه ، فده هيبقى صعب علينا إن أقدر أقولك هتنتج أد إيه دلوقتي، يعني دي هتنتج أد إيه في شكل إيه؟ في مقاس كام، والخامة إيه.. حاجات كتيرة قوي لأنه من كل مقاس هنقول آه دي تنتج كذا من كذا، وتنتج كذا من كذا، وتنتج كذا من كذا

العميل: طيب أنا من إسكندرية، وإحنا دلوقتي كل سنة وحضرتك طيب

المهندس منسى: آه بعد الخير وعليك خير

العميل: إن شاء الله أنا بقول لحضرتك كل سنة وحضرتك طيب

المهندس منسى: الله يبارك لك

العميل: خلاص يبقى في تليفون تاني ما بينا بعد العيد إن شاء الله

المهندس منسى: إن شاء الله

العميل: عشان آخد العنوان بالضبط

المهندس منسى: ماشي يا باشا

العميل: ماشي، شكراً

المهندس منسى: مع السلامة