ماكينات تعبئة الزيوت من شركة مهندس منسي
العميل : و عليكم السلام و رحمة الله و بركاته ، إذيك يا بشمهندس ؟
المهندس:أهلا بيك .
العميل :أخبار معاليك إيه ؟
المهندس:الحمد لله .
العميل :شوفت على الموقع بتاع حضرتك ، المكنة اللى بتعبتى الزيوت 40 أو 402 دى ، حاجة كدا
المهندس:403؟
العميل : هى 403 دى بتنزل كام عين ؟
المهندس:أه ، هو حضرتك عاوز تعبى الزيت فى إيه ؟
العميل : أنا عندى مصنع تعبئة زيت طعام ، بس شغال يدوى
المهندس:فى أزايز يعنى ؟
العميل :أه
المهندس:عندنا عرض كويس اليومين دول ، فيه مكنة عندنا دابل جاكت عاملة .
العميل : بالمصرى كام ؟ ، لأنى إنتا عارف فيه أزمة فى ال ، مش هعرف أجيب .
المهندس:حوالى 13 و نص
العميل :13 و نص، طب المكنة دى سريعا كدا ، بتنزل كام عين ؟
المهندس:لا الحاجات دى تتكلم فيها مع م/ منسى .
العميل :تمام
المهندس:لأن هنا بالنسبة لنا ، بنصمم المكن بنفسنا و إحنا اللى بنعمل كل حاجة، و بنبعت بره نصنع قطع الغيار و نجمعها هنا لأننا مش بنعرف نطلع هنا حجاة مظبوطة .
العميل :طب هيا كام عين ؟
المهندس:2000.
العميل :ماشى يعنى هيا عين واحدة ؟
المهندس:لا إتنين عين .
العميل :إتنين عين ، تمام بتعبى بس .
المهندس:فيه بقى عندنا وان نزل ب 9آلاف .
العميل :وان نزل ب9 آلاف بتطلع كام إزازة فى الساعة ؟
المهندس:على حسب اللى واقف عليها .
العميل :هو اللى واقف عليها ، هو اللى بيحط الأزايز و لا فيه سير ؟
المهندس:لا انا بتكلم كدا على النص أوتوماتيك ، إنتا عايز الأتوماتيك ؟
العميل :لا أنا بتكلم كدا إنها بتبقى سير .
المهندس:أها فيه ال 2 نزل ب6 آلاف ، و ال 4 نزل ب .
العميل :6 آلاف دى اللى هى بسير ، إنتا بترص الأزايز دلوقت .
المهندس:طب نصحة لوجه الله ، تاخد النص أتوماتيك تشتغل عليها 6 أشهر و بعدها تخليها أتوماتيك ، هخليهالك هى نفسها أتوماتيك .
العميل :أصل أنا المشكة معايا إيه ، هقول لحضرتك على حاجة ، انا عندى تانك زيت و بفتح الخنفية ، بحط الأزازة تحت الحنفية ، و بتفتح الإزازة تتعبى ، هتفرق معايا إيه لو جت النص أتوماتيك ؟
المهندس:هتفرق معاك فى السرعة و فى الصحة و التموين و توفير العمالة .
العميل :بتتظبط على وزنة معينة بالجرامات ؟
المهندس:أه .
العميل :بتتظبط بالجرامات ، تمام ، طب إنتا قولتلى ال1 نزل ب 9 آلاف ، بتتطلع كام إزازة فى الساعة ؟
المهندس : المفروض 1500 .
العميل :و لنفترض متوسط 1000 علشان اللى شغال عليها .
المهندس :أصل هى كل العملية ، إنك بتحط الإزازة ، تك ، هى دوسة رجل تلاقى الإزازة إتملت ، مش هتلاقى بقى إنك لازم تلزق الأستيكر و الزيت وقع، يا راجل لسة فيه حد شغال بالطريقة دى !!
العميل :هنعمل إيه طايب يا حاجة ، أومال لو تسمع أبويا الله يرحمه كان عامله من زمان .
المهندس :عامل إيه فى العزبة اليومين دول ؟
العميل : لا و الله أصل أنا عندى هنا فى حدايق القبة ، بجيب البنات من حوليا ، فبنت بتجيبلى بنت و كدا يعنى ، و العمال من الصعيد .
المهندس :ربنا يعينك عليهم.
العميل :الله يكرمك ،إنتوا مكانكوا فاتحين لحد الساعة كام فى باب الشعرية ؟
المهندس : إحنا فاتحين من 11 ل9 .
العميل :طب هو باب الشعرية معرض فيه مكن هشوفه و لا إدارة بس .
المهندس :أه ، أه ، فيه فى باب الشعرية و فى حدايق القبة و مدينة نصر .
العميل : فين فى حدائق القبة .
هبعتلك الداتا بتاعة حدايق دلوقت حالا .
العميل :طب خلاص أصل أنا من حدايق
المهندس :طب كويس
العميل :طب خلاص لو كدا أروح حدايق القبة ، أستأذنك تبعت لى العنوان ، علشان هحتاج مكنة لأكياس السكر .
المهندس :إقعد مع اللى ماسك الفرع هناك و إرغى معاه كتير ، كل ما رغيت معاه كتير كل ما إتفتحت المواضيع أكتر .
العميل :خلاص يا باشا ربنا يباركلك يا رب
المهندس :ماشى يا باشا .
العميل :مع السلامة .
