ماكينات تعبئة الشوكولاته السايله في عبوات او اكياس اتوماتيك ونص اتوماتيك من شركة المهندس المنسي

 

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	باش مهندس
المهندس منسي	:	أيوه
العميل	:	معاك المهندس أشرف من شركة انتماء للصناعات الغذائية
المهندس منسي	:	أهلاً وسهلاً
العميل	:	ربنا يخليك، حضرتك إحنا بنعمل منتج اسمه بوستو اللي هو الشيكولاتة السايلة
المهندس منسي	:	آه.. كان في منتج قبل كده واحد اسمه حسان واثنين كده اسمه بوتو
العميل	:	لا حضرتك إحنا تبع شركة تريت سكوير
المهندس منسي	:	آه أهلاً بيك
العميل	:	أهلاً وسهلاً بحضرتك، هنعمل مصنع في إسكندرية اللي بيعمل الشوكليت ديت، ومصنع تاني في 6 أكتوبر، ولينا فروع في الكويت والإمارات يعني
المهندس منسي	:	آه أهلاً وسهلاً
العميل	:	ده بالنسبة للمحلات بتاعتنا، فإحنا حالياً منزلين من أول السنة منتج اسمه بوستو، فإحنا عاملين شوكليت كذا نوع يعني، ففي نوع لما نزلناه السوق شوكليت بالكرسبي من جوه وفيها بسكوت أوريو
العميل	:	فكنت سيادتك كنت محتاج مكنة تعبي في برطمانات إزاز
المهندس منسي	:	إحنا عندنا الـ2، عندنا اللي بتعبي الشيكولاتة السايلة في أكياس، وعندنا اللي بتعبي في عبوات حضرتك هاتلي عينات وشرفني وأنا تحت أمرك
العميل	:	يعني بالنسبة للطلب ده عند حضرتكم؟
المهندس منسي	:	أكيد
العميل	:	إن شاء الله، حضرتك مكانكم فين؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، وقريباً المعادي وإسكندرية إن شاء الله
العميل	:	إمتى إسكندرية، أنا من إسكندرية أساساً
المهندس منسي	:	أصل إحنا واخدين مصنع كبير في برج العرب، هو المفروض إن إحنا نشغله في 2019
العميل	:	إحنا مصنعنا في برج العرب أساساً
المهندس منسي	:	إحنا في المنطقة الصناعية الثالثة، عارف الشرقية للدخان؟
العميل	:	آه.. آه..
المهندس منسي	:	بينا وبينها شارعين
العميل	:	آه.. آه…
المهندس منسي	:	فلسه بشوف بقى مين هوديه هناك.. لسه مش عارف الدنيا هناك هتبقى عامله  إيه؟
العميل	:	خير إن شاء الله، حضرتك ممكن أتعرف بسيادتك؟
المهندس منسي	:	المهندس منسي معاك
العميل	:	أهلاً وسهلاً بحضرتك، طب أنا هجهز العينات ونشوف نقابل حضرتك إزاي؟
المهندس منسي	:	آه.. ماشي يا سعادة الباشا
العميل	:	تمام كده
المهندس منسي	:	لا تحت أمرك في أي وقت
العميل	:	شكراً باش مهندس، مع السلامة