ماكينات تعبئة العطور الاتوماتيك والنص اتوماتيك من شركة المهندس منسي
العميل : السلام عليكم ورحمة الله وبركاته
المهندس منسي : عليكم سلام
العميل : معاك المهندس حسين عبد الغفار مرعي من مصر لكن مقيم في سلطنة عمان، أنا بس عايز أستفسر من حضرتك عن بعض الأمور بخصوص المكن والمعدات اللي عند حضرتك في الشركة
أنا معايا شركة.. شغال يعني في حكومة، ولكن حالياً بعمل شركة أنا وواحد شريكي عماني معانا في صناعة العطور محتاج ماكينة تعبئة عطور، وماكينة غلق اللي هي البامب مع… وماكينة غلق الكريمب، وماكينة قطع البايب بتاع الكريمب أو الوصلة بتاعت البخاخ، محتاج بعض المعدات كاملة، يعني أنا عايز أعمل المشروع كامل لتعبئة العطور
فإذا حضرتك لو تكرمت تفيدني برسلك قائمة باللي أنا محتاجه وتديني أسعار وتعطيني.. هل الجودة معاكم… إنتم بتصنعوها عندكم ولا بتستوردوها من الصين؟ ولا من أي دولة بالضبط، لأن حالياً دلوقتي وأنا بكلمك إحنا في الإمارات، رايحين عشان بندور على بعض الشركات اللي بتصنع معدات العطور ومعنا بعض العروض منهم ولكن عايزين نشوف الجودة المصرية بتاعت شركتك، لو جودة حلوة وتضمنها لنا، وما بعد البيع، ضمانات ما بعد البيع من صيانة، من قطع غيار، من غيره، من مشكلة فنية إذا قابلتنا تقدر تحلها لنا إزاي؟؟؟؟ ففي برسلك القائمة وياريت إذا تكرمت ترسلي إذا كانت موجودة ولا لأ وتعطيني الأسعار عشان نقرر هنعمل إيه نشتري من معاك، ولا من دبي، ولا من الهند، ولا من الصين… نحدد أمورنا يعني
المهندس منسي : كل اللي حضرتك طلبته موجود عندنا بضاعة حاضرة، حضرتك لو جيت شرفتنا بالزيارة هتتفرج على المكن بضاعة حاضرة، إحنا ماركة، براند عالمي، بنصنع قطع الغيار لحسابنا وبعدين بنجمعها
عندنا ضمان لمدة سنة ضد عيوب الصناعة، و5 سنين توفير قطع الغيار لحساب العميل
العميل : بعد إذنك يا باش مهندس أنا حالياً في سلطنة عمان، يعني مقيم في سلطنة عمان وشغلي في سلطنة عمان، وحالياً في زيارة في الإمارات عشان أشوف موضوع المعدات، فلو تكرمت ابعتلي المعدات بالصور حتى أو فيديو بحيث معايا شريك عشان عايزين نقضي… كنا رايحين بصراحة نمضي مع شركة وأنا اتوقفت ما عجبتنيش بصراحة الصناعة هندية وقلت أشوف الشركة بتاعت حضرتك لأني أعرف الشركة بتاعت حضرتك من زمان وأسمع عنها كويس، وأنا من مصر طبعاً
فالله يبارك لك يعني لو ترسلي المعدات اللي أنا محتاجها ديت، أو بدائل لها تكون عندك، أنا عايز أعمل من الألف إلى الياء صناعة عطور، تعبئة مع البخاخ، مع تركيب الكريمب بتاعه، مع آلة تنظيف، مع خزانات التجميع، فكله أنا محتاجه أول حاجة عايزين خزان 100 لتر تقريباً أو 125 لتر، نجمع فيه المنتج مع ميكسر تقليب، في نفس الخزان أداة تسخن لي المنتج اللي أنا هحطها فيه، هسخن العطر قبل ما أحوله، بعد كده بتروح على الشيلر اللي هوه التبريد -20، بيبقى أكتر من -20 كمان، بعد كده بتروح تتحول للفلتر، وبعد كده بيتحول إلى ماكينة التعبئة في الزجاج، وطبعاً قبل الزجاج في ماكينة تانية بنظف ليا الإزاز، سواء بالهوا، أو البخار السائل الجاف، بعد كده بنخش على التعبئة، وبعد التعبئة عندي طبعاً غلق البخاخ، وبعد منها غلق الكريمب اللي هوه بيبقى حوالين البخاخ، المكن ده كله… مع طبعاً طاولات متحركة اللي هي عليها سير دي إذا أمكن وإذا سعرها مناسب بناخدها الطاولات بنثبت عليها كل المعدات دي ويبقى هي متحركة ما بينهم يعني
المهندس منسي : عناوين شركة المهندس منسي في هذا الرابط:
اتصل بنا في الفروع التي تناسبك/ ماكينات تعبئة وتغليف
العميل : تمام
