ماكينات تعبئة سوائل فى كوبايات من شركة المهندس منسى
العميل: سلام عليكم،إزي حضرتك
المهندس منسى: الحمد لله
العميل: أنا كنت بعت لحضرتك إيميل بالمكنة يوم الثلاثاء تقريباً، وحضرتك قلتلي هنرد عليك وكده
المهندس منسى: مكنة إيه؟
العميل: نيو هاو وكده…
المهندس منسى: آه ما أنا رديت عليك، ما إنت كنت باعتلي مكنة فاكيوم، مكنة بتعبي بالفاكيوم، وأنا رديت عليك
العميل: لا هوه الرد ما وصلش للأسف
المهندس منسى: لا هوه إنت كنت باعت مكنة بتعبي من الفاكيوم، فأنا رديت قلتلك إن المكنة دي بتاعت فاكيوم بتعبي بالفاكيوم، دي تنفع للعبوات الزجاجية، ولازم كهربا، كل مكنة يعني كهربا، أصل لو مكنة يبقى أنا هعبي في إيه، هعبي في كوباية؟؟؟!!!
العميل: مضبوط
المهندس منسى: مافيش حاجة اسمها تعبية يدوية، يعني إن كلمة مكنة اتحطت….
العميل: مضبوط.. مضبوط… طب دي موجودة عندكم؟
المهندس منسى: لا اللي إنت بعتها ديت دي نعملها لك بالطلب، أما عندنا في مكن أحدث وأحسن منها مليون مرة، يعني في مكن تعبئة كتير عملناه اللي هو البستيمية، وعاملين الديسك توب وعاملين حاجات كتيرة قوي حضرتك لو شرفتنا هتنبصت قوي يعني، هوه الهدف منها إنك عايز حاجة بسيطة مثلاً؟
العميل: آه…
المهندس منسى: في عندنا مكنة اسمها ديسك توب بسيطة جداً وسهلة وسعرها كويس، وبنت حلال وقايمه عليها مصانع
العميل: ديسك توب،المكان فين في باب الشعرية؟
المهندس منسى: هتاخدها تحطها أدامك على المكتب تعبي الكمية بتاعتك وتنزل تسوقها
العميل: بتعبي لتر؟
المهندس منسى: بتعبي لغاية لتر وتعبي لغاية 5 لتر كمان
العميل: طب زي الفل، طيب بإذن ربنا آجي لحضرتك، بس أنا كنت عايز العنوان، إنتم في باب الشعرية مش كده؟
المهندس منسى: إحنا في حدائق القبة، مدينة نصر، باب الشعرية، غمرة….
العميل: طيب باب الشعرية أنسبلي لأني بنزل أجيب شويه خامات فباب الشعرية جنبي
المهندس منسى: هبعتلك أنا العنوان بتاع باب الشعرية دلوقتي حالاً
العميل: طيب متشكر حالاً
المهندس منسى: مع السلامة
العميل: اتفضل يا باش مهندس
