ماكينات تعبئة سوائل لزجة من شركة المهندس منسى
العميل: مساء الخير
المهندس منسى: مساء الخير يا فندم
العميل: لو سمحت كنت عايز أسأل على سعر المكنة اللي هي 404
المهندس منسى: آه…
العميل: سعرها كام النهاردة؟
1350 المهندس منسى:
العميل: طبعاً شامل تركيب ولا تدريب ولا أي حاجة ولا بس سعر المكنة آجي أشيلها وأمشي؟
المهندس منسى: مش محتاجة، ولكن لو احتجت حد يركبهالك مافيش مشكلة، ولكن هي مش محتاجه، إحنا بنعملك وبندربك وكل حاجة عندنا وبنعمل شريط فيديو، بنعمل مقطع فيديو بالتعليم بتعليم كل ما فيها، يعني ده حق من حقوقك ما تتنازلش عنه
العميل: تمام…
المهندس منسى: ده حق من حقوقك إنك تقولهم إعملولي فيديو بالتركيب والتشغيل وكافة شيء
العميل: تمام…والصيانة بتبقى إزاي، بنعمل عقد صيانة سنوي ولا …
المهندس منسى: ليها ضمان لمدة سنة ضد عيوب الصناعة و10 سنين توفير قطع الغيار لحساب العميل،مش فاكر 5 ولا 10…
العميل: بفلوس يعني ولا ببلاش
المهندس منسى: آه.. آه ما هوه مش المفروض إن أجيبلك قطع الغيار….،لما إنت تتطلب قطع غيار عشان ما تتهش في السوق وتقول مش لاقينيها، لما تتطلب قطع الغيار عشان إحنا بنصنع المكن دوت لحسابنا، فحضرتك لما تتطلب قطعة الغيار فبتقلنا قطعة الغيار فبنقلك أهي بس بكذا
العميل: تمام.. تمام ماشي يا سيدي، طب هي المكنة الـ…. أنا معرفش في المجال قوي يعني، بس أنا حابب مجال تعبئة الصلصة والأكلات والحاجات اللي زي دي
المهندس منسى: آه…
العميل: لو إنت تدلني مثلاً على.. أنا أول مرة أشوف النهاردة شوفت المكنة بتاعتكم عجبتني، لو تدلني على موقع تاني أو على مكان تاني أو على أي حتة أجمع معلومات عن الصنعة نفسها، عن المهنة نفسها
المهندس منسى: مهنة إيه بقى؟
العميل: تصنيع تعبئة وتغليف الحاجات المحفوظة اللي هي بتعملها المكنة بتاعتكم
المهندس منسى: آه يعني أنا أديلك شركة منافسة
العميل: لأ…
المهندس منسى: يعني بدل ما أنا قاعد أشوف شغلي أنا أقعد أجيب شركة منافسة …
العميل: لا مافهمتنيش معلش…
المهندس منسى: أنا مش فاضي أنا فاضي لشغلي بس…
العميل: معلش.. معلش يمكن أنا مش عارف أوضحلك أنا، أنا النهاردة عايز أعمل الموضوع ده، المكنة بتاعتك دي هتوصلني لأنهي مرحلة، هتوصلني…
المهندس منسى: هي بتاعت تعبئة هوه حضرتك عايز تعبي في إيه؟ في أكياس ولا عبوات؟؟؟
العميل: في عبوات
المهندس منسى: آه.. دي بتاعت تعبئة يعني حضرتك هتحطلها البرطمان هي هتعبيه، وبس
العميل: أنا اللي بحطه بإيديه ولا هي أتوماتيك
المهندس منسى: آه.. آه 404 دي نص أتوماتيك، أما في حاجة تانية لو عايزها أتوماتيك كامل دي بتبقى في حدود 7000
العميل: اللي هي 405 باين
المهندس منسى: 412 ـ 414
العميل: دي مش نازله مش منزلنها إنتوا خالص
المهندس منسى: لا منزلنها لو كتبت 412 ـ 414 المهندس منسي هتلاقيها، بس أهم حاجة تكتب ماركة المهندس منسي جنبها
العميل: تمام… ده يعتبر خط إنتاج، أنا اللي بقصده بسؤالي ليك..
المهندس منسى: بص حضرتك كلمة خط إنتاج هي عبارة عن مجموعة ماكينات ورا بعضها، يعني مثلاً إحنا بلد إحنا وطنا العربي ده جميل قوي بيخلط الألفاظ ببعضها، يعني مثلاً بيجي على حتة بتاعة كده وبيقول عليها مكنة حلاقة
العميل: آه…
المهندس منسى: بيجي على جهاز تجهيزه كده يقولك مكنة بسكوت، هي كل حاجة عنده مكنة، حتى بيقولوا على الستات مكنة
العميل: أيوه…
المهندس منسى: فهمتني إزاي، فخط إنتاج ديت يعني مجموعة ماكينات ورا بعضها بيتجمع بيبقى ده اسمه خط إنتاج
العميل: تمام..
المهندس منسى: النهاردة حضرتك مثلاً بتاخد، بتقول أنا هعبي في عبوات، هتعبي في عبوات يعني معناها إنك محتاج الأول مكنة التعبئة
العميل: تمام..
المهندس منسى: هتقفل الأول بإيدك لأن إنت احتياجاتك مش هتبقى…
العميل: أيوه بالضبط…
المهندس منسى: ألف عبوة مثلاً في الساعة، المكنة ديت بتعمل ألفين عبوة في الساعة
العميل: تمام…
المهندس منسى: ألف عبوة في الساعة يعني ممكن تقفلهم بإيدك إنت وابنك أو إنت وبنتك وخلاص على كده
العميل: تمام…
المهندس منسى: فهمتني إزاي… يعني …
العميل: يعني أنا بحطلها في الخزان بتاعها ده المادة الخام اللي أنا عايز أشتغلها تمام
المهندس منسى: آه
العميل: وبديلها أنا البرطمانات أو العبوات اللي أنا عايز أعملهالها ومن ناحية تانية بقفل
المهندس منسى: أيوه مضبوط آه
العميل: ماشي يا سيدي شكراً
المهندس منسى: مع السلامة
العميل: مع السلامة
