ماكينات تعبئة سوائل من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: شركة إم تو باك

المهندس منسى: أيوه

العميل: مع حضرتك المهندس أحمد عبد اللطيف من إسكندرية

المهندس منسى: أهلاً بيك

العميل: يا أهلاً وسهلاً بحضرتك،يا ترى لكم مكتب مبيعات في إسكندرية ولا في القاهرة وبس؟

المهندس منسى: عندنا في القاهرة، ولكن قريب قوي إن شاء الله نكون عندكم

العميل: ربنا ييسر الحال، طب فين في القاهرة بالضبط؟

المهندس منسى: إحنا عندنا حدائق القبة، مدينة نصر، باب الشعرية، 6 أكتوبر

العميل: طيب فين في 6 أكتوبر، في أنهي حي، أو أقدر أوصل لحضرتك إزاي؟ ومواعيدكم إيه في العمل؟

المهندس منسى: خير أأمر، حضرتك عايزنا إيه؟

العميل: والله أنا عايز أسأل على ماكينات الفاكيوم تعبئة سوائل لزجة، تبدأ من 100 مللي لغاية 5 لتر، 4 نزل وطالع، يعني 4 نزل، 6 نزل ، 8 نزل

المهندس منسى: آه

العميل: وكنت محتاج المكنة بتاعت الكاتينج  أوكيه؟

المهندس منسى: آه كل المكن ده موجود

العميل: آه أنا بقول لحضرتك قبل الزيارة وآخد العنوان وأبدأ أراسل الناس..

المهندس منسى: إنت عايز فاكيوم شفط الأكياس ولا عايز الفاكيوم اللي هوه أنهو؟

العميل: تعبئة عبوات سوائل نظافة كلها

المهندس منسى: آه دي هتتعبى بطريقة تانية اسمها إنجكشن

العميل: الإنجكشن أوكيه مافيش مشاكل، هي ليها كذا طريقة يعني ساعات بالوزن بلوحة إي إن تي… يعني ساعات بيركبولها بيخترعوا لها اختراعات كتيرة يعني، كنت عايز أشوف إيه اللي موجود، إيه الأفيربول اللي موجود

المهندس منسى: الفاكيوم ما تنفعش إلا في العبوات الإزاز وبس

العميل: لأ إحنا عبواتنا بلاستيكية كلها مافيش إزاز

المهندس منسى: مش هينفع معاك غير الإنجكشن أو البامبينج

العميل: طيب الماكينة دي بيبقالها خزان وبتسحب طبعاً من الميكسر، مضبوط كده؟

المهندس منسى: وات إيفر لو عايز نركبلك خزان ماشي، لو مش عايز ممكن تشتغل بالخزان بتاعك

العميل: آخد دايركت من الخزان العمومي أو الميكسر العمومي يعني؟

المهندس منسى: أيوه

العميل: طيب الإنجكشن دي بتبقى كذا نزل، إنتم بتتحكموا فيها مضبوط؟

المهندس منسى: عادي آه

العميل: طيب اديني حضرتك العنوان ومواعيد العمل وأنا هبقى أتواصل مع حضرتك تاني إن شاء الله وأشوف أنزلك من إسكندرية إمتى أو غالباً ممكن اليومين الجايين دول بكرة بعده بعده، أشوف الماكينات، أشوف الكاتلوجات، أشوف الأسعار إيه، أبدأ أرتب مع حضرتك، أنا محتاج الماكينة دي، ومحتاجين ماكينة للكاتينج، ومحتاجين ماكينة للباتش نمبر والديت نمبر، ومحتاجين ماكينة للشرينك… في مجموعة ماكينات كده محتاج أشوف إيه الأفربول عند حضرتك وأسعاره إيه ويجهز في خلال وقت أد إيه، وإيه المدفوع، وإيه المتبقي ووقت الاستلام… كده يعني ندردش في الأمور دي كلها

المهندس منسى: المكن كله بضاعة حاضرة

العميل: طيب البضاعة حاضرة جاهزة يعني

المهندس منسى: آه

العميل: طيب أوكيه إديني عنوان حضرتك فين في 6 أكتوبر أو آجي لحضرتك فين المهندس منسى: بالضبط؟

العميل: هوه عادي أي فرع براحتك

المهندس منسى: طيب اديني 6 أكتوبر، وإديني مدينة نصر، دول قريبين مني، يعني يا كده يا كده

العميل: إن شاء الله

المهندس منسى: هبعتهوملك في رسالة

العميل: يا ريت يا فندم أكون شاكر فضلك

المهندس منسى: ماشي شكراً يا فندم، مع السلامة