ماكينات تعبئة وتغليف من شركة المهندس منسى
العميل: أيوه يا باشا
المهندس منسى: أهلاً بيك
العميل: برن عليك من بدري، مش شركة المهندس منسي
المهندس منسى: آه
العميل: أنا كنت عايز آجي أتفرج على شويه مكن تعبئة وتغليف
المهندس منسى: ماشي تيجي تنورني
العميل: مجموعة كده عشان عندي مشروع صغير كده على قدى
المهندس منسى: نعم؟؟؟
العميل: أنا كلمتك من حوالي 10 أيام كده وقلتلك عليها وأنا جايلك في الطريق
المهندس منسى: طب تاخد تليفون المبيعات بقى تكلمهم
العميل: إيه يا باشا؟
المهندس منسى: نعم يا غالي
العميل: كنت عايز بس العنوان بالضبط وحضرتكم موجودين هناك النهاردة ولا إيه؟
المهندس منسى: موجودين آه
العميل: طب المكن اللي أنا عايزه كله هلاقيه موجود ولا إيه؟
المهندس منسى: ما هو أنا مش عارف أنهي المكن اللي إنت عايزه
العميل: عايز تعبئة سوائل وبقوليات وعصارة وكده
المهندس منسى: آه موجود يا باشا
العميل: طيب نجيلك فين بقى في باب الشعرية؟
المهندس منسى: 1ش المنسي…
العميل: ممكن العنوان بالضبط
المهندس منسى: أنا هبعتهولك في رسالة يا غالي
العميل: معلش يا باشا العنوان بس عشان الخط قطع
المهندس منسى: هبعتهولك في رسالة يا برنس
العميل: هي الشبكة وحشة عندك يا باشا ها
المهندس منسى: أنا في المغرب
العميل: في المغرب… آه، طب ممكن تديني العنوان في القاهرة
المهندس منسى: هبعتهولك.. أنا مسافر المغرب مش هنا مغربي، أنا مسافر المغرب
العميل: أيوه أنا فاهم، يعني مافيش حد هناك؟
المهندس منسى: في ناس كتير
العميل: طب أنا عايز أقابل حد أتفرج على المكن
المهندس منسى: عنيا يا غالي
العميل: التغليف والتعبئة
المهندس منسى: عنيا هبعتلك العنوان في رسالة دلوقتي حالاً
العميل: طيب ماشي، لو إنت عايز تمليهوني أكتبه دلوقتي
1 المهندس منسى: ش المنسي خلف رئاسة حي باب الشعرية
العميل: في باب الشعرية يعني
المهندس منسى: آه قدام مستشفى السيد جلال
العميل: ماشي يا حبيبي ماشي
المهندس منسى: ماشي يا كبير
العميل: شكراً
