ماكينات تغليف بالشرينك الحرارى من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: حضرتك يا باشا شركة استيراد مكن التغليف

المهندس منسى: أيوه

العميل: حضرتك أنا عندي عبوة وعايزن لها مكن تغليف

المهندس منسى: آه

العميل: مكنة تغليف على العلبة، يعني مش هغلف العلبة من فوق، لأ هغلف العلبة كلها تغليف شرينك

المهندس منسى: عايز تغلف العلبة شرينك؟

العميل: آه

المهندس منسى: عندنا آه

العميل: طب ممكن أبعت لك صورة العلبة أنا جايب العلبة من بره علبة غلاف  ، ممكن أبعتلك صورتها على الواتس والعروض، ولو نفس المكن ده موجود عندك تديني مواصفته…

المهندس منسى: من غير ما تبعت لأنها بتغلف كل أنواع العلب، وكل أنواع العبوات

العميل: ماشي يتغلف استيكر حراري بلاستيك ولا ورق؟

المهندس منسى: الـ 2

العميل: طب حضرتك برده عشان لما أجيلك يبقى أنا جاي جاهز وكل حاجة

المهندس منسى: عندنا الشرينك، وعندنا تغليف الاستيكر، وعندنا تغليف.. كل أنواع التعبئة والتغليف بدون استثناء عندنا

العميل: تمام.. طب حضرتك لو أنا عايز أغلف هغلف عندك في المصنع ولا المكنة تجيلي عندي

المهندس منسى: بتجيلك عندك إزاي، إنت بتشتري المكنة

العميل: ما هو أنا فاهم يا باشا، بس في تغليف في حراري طباعة، وفي حراري للبلاستيك

المهندس منسى: مش فاهم، فهمني بقى كده

العميل: حراري طباعة وهوه سخن يقوم طابعه عليه، أما الحراري البلاستيك دوت اللي هوه مثلاً زي علب السبغة…

المهندس منسى: آه.. آه.. الـ 2 عندنا

العميل: طب حضرتك ممكن أبعتلك شكل العبوة اللي عندي..

المهندس منسى: يا عم إنت مصمم تبعت شكل العبوة ليه بس، بقولك عندي، تعالى اتفرج عليها، هات عبواتك وهات خاماتك وتعالى جرب المكنة وإنت واقف

العميل: تمام مافيش مشكلة، طب حضرتك اللي بتطبع الكيس ولا أنا اللي بتطبعه عندي؟

المهندس منسى: عادي لو عندك مطبوع جايز، لو مش عندك طباعة أنا أطبعلك

العميل: طب رول الكيس بنظام الاستيكر بالرول ولا نظامه إيه؟

المهندس منسى: بيبقى بالقطعة،إنت عايز كمية أد إيه؟

العميل: أنا بعوز كميات كبيرة، يعني مثلاً بعوز 10000

المهندس منسى: آه دي مش كميات كبيرة، دي كميات صغيرة، زودت الكميات شويه،يعني مثلاً بشتغل برول الاستيكر مثلاً بيديني 10000 على حسب الحجم، في حجم بيديني 10000، وفي حجم بيديني 20000، وفي حجم بيديني 30 حسب الحجم

العميل: آه،حضرتك أنا شغال مع مصنع المحروسة بجيب منه فوارغ

المهندس منسى: آه

العميل: اللي هي اللتر والربع والنص والتمن

المهندس منسى: آه،هوه إنت بتاع مبيدات ولا إيه؟

العميل: لأ مش مبيدات سبغات

المهندس منسى: آه.. ماشي

العميل: حضرتك نفس المكان في باب الشعرية

المهندس منسى: إحنا عندنا حدائق القبة، مدينة نصر، باب الشعرية، 6 أكتوبر

العميل: تمام… باب الشعرية قصاد مدرسة الثانوية مضبوط كده العنوان؟

المهندس منسى: مضبوط آه

العميل: تمام حضرتك فاتح الجمعة

المهندس منسى: هوه اليوم الوحيد اللي بناخده أجازة

العميل: طب حضرتك المكن ده سعره يتراوح من كام؟

المهندس منسى: بيبدأ من ، اضرب × 18

العميل: حسب الأحجام بتاعته

المهندس منسى: يعني 7200 جنيه مصري

العميل: تمام حضرتك طيب إن شاء الله موجودين خلال الأسبوع كله ولكم برده أجازة في وسط الأسبوع

المهندس منسى: لا شغالين طول الأسبوع عدا يوم الجمعة هوه اللي أجازة

العميل: طب لما أجيلك إن شاء الله على نفس الرقم دوت أبلغ حضرتك

المهندس منسى: آه…

العميل: قبليها بيوم ولا في نفس اليوم عادي

المهندس منسى: عادي تيجي من غير ما تبلغني تعالى على طول مش لازم تبلغني يعني

العميل: خلاص ماشي يا باشا

المهندس منسى: في عدد كبير في المبيعات مش أنا لوحدي

العميل: تمام بس عايز حضرتك يبقى أنا كلمتك يبقى الصورة أوضح لك يعني، نقرب على بعض المسافات أكتر

المهندس منسى: لا ما تقلقش معرضنا موجود في مكن كتير قوي، هتقول أنا عايز المكنة ده هي، الشكل ده، هيقولك أهو، وأهو.. وإنت واقف ويجربولك عليها ويعلموك عليها ويضبطوها لك وتمام التمام، ولو طلبت حد ييجي يركبها لك عندك يركبها لك كمان عندك

العميل: مافيش مشكلة، حضرتك بتعملوا برده عبوات، أنا قريت على نفس الصفحة إن عندكم عبوات

المهندس منسى: طبعاً، طبعاً العبوات اللي عندنا من أحدث أنواع العبوات

العميل: ماشي يا باشا إن كان في خير بإذن الله خلال الأسبوع ده أو الجاي هضبط مع حضرتك ميعاد وأجيلك بإذن الله

المهندس منسى: ماشي يا برنس تيجي تنورنا

العميل: تسلم يا باشا، جزاك الله كل خير، ألف سلامة