ماكينات شرينك بمقاسات متعددة لتغليف شتي الأغراض المنزلية من شركة مهندس منسي

العميل : السلام عليكم رقم حضرتك شغال فون

العميل :  آلة باليت استرتش أتوماتيك

العميل :  السلام عليكم

معلم لو سمحت ده مش رابط، ده فيديو على اليوتيوب باسمكم إنتم، شركة المهندس منسي، مكتوب عليه لف كراتين علب البرطمانات الغذائية بواسطة آلة لف باليت استرتش أوتوماتيك، هي عبارة عن مكنة لف استرتيش، بيللف استرتش على المنتجات أتوماتيكياً، قرص دوار بيلف وعليه منتج بيديله استرتش طبقة أو طبقتين زي ما إنت عايز، ده اللي أنا بسأل عليه لو سمحت، أنا آسف مش عارف إن الفيديو مش ظاهر عندك

المهندس منسي : آه.. آه.. هي المكنة دي آه بنوردها، بتعمل 7000

العميل :  السلام عليكم

العميل :  لو سمحت أنا بتاعت البليتات دي كبيرة قوي، أنا اللي عايزها بتعمل بليتات حجم أصغر، أنا عندي القطعة اللي عايز أغلفها ارتفاعها 104 سم، وطول 44 سم، والعرض 35 سم، يعني مش كبيرة قوي، أنا هغلف شانون اللي بيحطوا فيه البطاطس والطماطم، اللي هو زي بتاع الهلال والنجمة والوطنية، الشانونات البلاستيك، دي اللي أنا هغلفها، بيبقى رول بيلف عليه البلاستيك كده، هي دي الفكرة بس، فمش محتاج أنا حجم كبير قوي، معلش أنا آسف جداً للإزعاج بس بوضح لحضرتك الفكرة

 

العميل :  المنتج المطلوب تغليفه 1044436 طول 44 سم عرض 36 سم ارتفاعه 104 سم

آه لا دي مكنة تانية، دي مكنة اسمها ماكينة تغليف شرينك موديل 101 ماركة المهندس منسي، هي دي اللي هتقوم لك بالغرض، دي موجودة بضاعة حاضرة، حضرتك شرفنا بالزيارة وهات المنتج معاك وجربه وإنت واقف

العميل :  بعد إذنك لو سمحت الـ 101 دي عامله كام تقريباً؟ يعني رينج ثمنها كام؟ عشان أنا طالع الصين فعايز أعمل مقارنة بصراحة ما أخبيش عليك

هو المقاس المعتاد اللي أنا فاكره ، أما المقاس بتاعك أنا مش متذكر سعره، هبعت لك رابط المبيعات في رسالة كلمهم وقولهم على المقاس بتاعك

https://goo.gl/en7xfB

السلام عليكم باش مهندس

العميل :  أنا فتحت الرابط اللي بعتلي إياه، وكلمت الناس اللي عندك تقريباً في باب الشعرية، وقلت لهم أنا المنتج وزنه 4 كيلو، الشانون ده ارتفاعه 104 سم، وعرضه 36 وزي ما قلت لك، فقالوا لي إن المقاس ده مش موجود عندكم، وإنتم ما بتشتغلوش فيه أساساً، قولتهم الماكينة 101 ماركة المهندس منسي، قالوا لي ارتفاع 104 سم إحنا ما بنشتغلش فيه، فشكراً كتير لذوق حضرتك الله يخليك

العميل :  اللي رد على حضرتك أكيد ما فهمش حضرتك، هو عملية الارتفاع بالنسبة لك مش مهم خالص، يعني اللي رد عليك يا ريت تقولي صوته كان عامل إزاي؟ أو رقم تليفونه مين؟ عشان أفهمه بس، هي كل العملية ما فهمش حضرتك بس..

المهندس منسي : بص يا سيدي هو إحنا بنعتمد بعدين 2 بس، البعد الثالث ليس له دخل عندنا، إنت بتقول ارتفاع، الارتفاع عندك إنت بالنسبة لنا إحنا طول، فإحنا بنعتمد مقاسين 2 بس، لأن المكنة سير كونتينيوس، فترمي عليها الحاجة، الطول عندنا ليس له أي اعتبار، لأنك لو دخلت حاجة أياً كان الطول مش فارقة، يبقى عندنا هنشتغل على بعدين 2 بس، اللي همه أصغر بعدين، اللي حضرتك بتقول عليه ارتفاع ده بالنسبة لنا الطول، أما بالنسبة للعرض والطول ده اللي هو السقف بتاع حضرتك

المهندس منسي :  قولهم عايز المكنة 101 ماركة المهندس منسي 35 × 45 موجودة وبضاعة حاضرة

العميل : تمام الله يخليك يا رب، شكراً ربنا يخليك يا رب، شكراً لذوق حضرتك، أنا كلمت فعلاً باب الشعرية، رقم 012 أوله لو عايز أبعتهولك أبعتهولك مافيش مشكلة، بس دلوقتي أنا عندي 36 × 44، حضرتك قلت دلوقتي 35، أنا عندي 36، السنتي ده عادي ممكن تاخد سنتي زيادة؟؟؟ وثمنها صح؟

المهندس منسي :  هو 36 فيه تجاوز، يعني المنتج المفروض يخش 35 × 45، ولكن في تجاوز دايماً عندنا في المكن حوالي 2 سم من كل جنب، من الجنب ده ومن الجنب ده

العميل : يعني تشتغل عادي مافيش مشكلة

العميل : لو سمحت هي سعرها كام؟ ولو عايز آخد من غير ضريبة كام؟ يعني في إمكانية آخد من فاتورة ضريبية ولا لا؟

المهندس منسي :  عادي مافيش مشكلة، حضرتك تابع بقى معاهم تاني، هو في 20 رقم مبيعات، تابع بقى معاهم وفهم الموضوع ده