ماكينات طباعه تاريخ الانتاج من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	معاك أحمد حسن من أسوان، كان كلمك الباش مهندس محمد صبحي من شويه عليا
المهندس منسي	:	آه أهلاً وسهلاً
العميل	:	أهلاً بيك يا هندسة، الفكرة اللي عندي إن أنا أعمل مصنع بوهيات
المهندس منسي	:	آه..
العميل	:	فدلوقتي في عندنا بستلة وفي شيكارة، ففي 1/8 هشتغل إنتاج، يعني لسه هفتح يعني
المهندس منسي	:	إن شاء الله
العميل	:	فعندنا في تاريخ إنتاج ومدة صلاحية، رقم باتشه وتاريخ إنتاج وصلاحية
المهندس منسي	:	آه
العميل	:	إحنا عندنا بيبقى في مكن كبير من غبور تقريباً، فأنا كنت عايز تبقى صغيرة تعملي نفس الفكرة، حاجة يدوي، نص أتوماتيك كده تقضي لي الغرض
المهندس منسي	:	موجودة آه، موجودة النص أتوماتيك واليدوي
العميل	:	طب إيه  أخبار الأسعار؟
المهندس منسي	:	سعر اليدوي ، والنص أتوماتيك ، اضرب × 18
العميل	:	آه.. طب ده بيبقى متوفر إن أنا أشتريها؟
المهندس منسي	:	دي موجودة بضاعة حاضرة
العميل	:	طب ممكن الصورة بتاعتها، أو طريقة التعامل بتاعتها
المهندس منسي	:	حضرتك لو شرفتنا بالزيارة الكلام على أرض الواقع بيبقى أفضل
العميل	:	هو أنا كده كده إن شاء الله ساعة الشراء هاجي، بس أنا زي ما بقولك أنا في أسوان
المهندس منسي	:	ما هي الحاجة موجودة بضاعة حاضرة، حضرتك اتفرج عليها وجربها وتمام التمام، وبعد كده قرار الشراء بالنسبة لك حدده براحتك، أما دلوقتي هنقعد نبعت في صور ونبعت في صور.. إحنا دلوقتي بنستنى اللي بيتكلم أحسن مش اللي بينتج أحسن، فهمتني