ماكينات فاكيوم لشفط الهواء من الاكياس من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : إزيك يا باشا

المهندس منسي : الحمد لله

العميل : بقول لحضرتك إنت عندك مكن لحام فاكيوم شفط هوا؟

المهندس منسي : عندنا آه

العميل : كان في مكنة شفت إعلانها اللي هي إم ثري دي أو حاجة زي كده يعني؟

المهندس منسي : أيوه معاك

العميل : أو دي زد أو حاجة زي كده، بتعمل كام دي يا باش مهندس؟

المهندس منسي : هوه في عندنا مكن فاكيوم بيدأ من

العميل : البيع بالمصري ولا بال؟

المهندس منسي : لا هوه إحنا بنسمي بس بال ولكن بنبيع بالجنيه المصري، عشان ثبات الأسعار بس

العميل : من لغاية كام؟

المهندس منسي : في بقى بـ، وفي بـ 1500

العميل : طب بتعبي أي وزن ولا ليها حدود يا باش مهندس؟

المهندس منسي : لا عادي أم دي بتعبي لغاية 5 كيلو، والتانية اللي هي غرفتين ديت اللي هي مكنتين في مكنة بتعمل لغاية 25 كيلو ـ 35 كيلو، على حسب المادة

العميل : إحنا هنعبي حاجة زي اللب والسوداني والحاجات دي

المهندس منسي : آه عايز تعبيهم وتشفط الهوا عشان خاطر التزرنخ

العميل : آه عايز أعملهم شفط هوا عشان، أبرشهم آه

المهندس منسي : على العموم هات الحاجة بتاعتك وتعالى شرفنا بالزيارة…

العميل : الأول إنت مكان حضرتك فين؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : آه… أصل أنا من البحيرة، فالمكان اللي في أكبر عدد مكن فين؟

المهندس منسي : كله زي بعضه

العميل : اللي بتعبي 10 كيلو فأكثر أم ولا أم ؟

المهندس منسي : دي هتبقى الكبيرة بقى عشان خاطر اللب بيبقى هايش ممكن تتغلف على أم، بس يلزمنا الأول نبص كده نعمل تجربة كده نشوف الدنيا فيها إيه؟

العميل : طبعاً المكن صيني يا باش مهندس؟

المهندس منسي : إن شاء الله

العميل : في ضمان ولا حاجة؟

المهندس منسي : آه ضمان لمدة سنة ضد عيوب الصناعة و10 سنين توفير قطع الغيار لحساب العميل

العميل : آه… لو في لا قدر الله أعطال ولا حاجة في دعم وكده؟

المهندس منسي : طبعاً إحنا عندنا فرع يمكن فرعين كمان قاعدين مخصوصين للصيانة لو احتجت لا قدر الله صيانة، قاعدين ينشوا محدش بيعمل صيانة ولا حاجة أهوه، عشان المكن بتاعنا جودته عالية قوي

العميل : طيب الحمد لله، حضرتك بالنسبة للأكياس يعني إنت عارف الأكياس هنعوز حاجة معينة يعني، الأكياس بيتعبى فاكيوم عشان ما تفتحش وكده، أو تريح يعني

المهندس منسي : آه… ما هوه أكياس الفاكيوم كلها عندنا، إحنا من النوادر اللي في مصر عندهم أكياس فاكيوم

العميل : متوفرة جاهزة ولا إنت بتعملها بالطلب

المهندس منسي : عندنا جاهزة آه

العميل : طيب بضمان الكيس أصل أنا في ناس أصحابي بيقولوا أكتر من مرة الأكياس بتريح

المهندس منسي : لا ما همه بيروحوا يجيبوا أكياس بلاستيك عادية ويروحوا مفكيمين فيها، إنما إحنا شركة المهندس منسي، معناها إن إحنا فاهمين بنعمل إيه، الغير بقى أنا ما أعرفش بيعمل إيه، بيفتوا أي حاجة أي أكياس أي بيع وخلاص، لأ

العميل : أنا قصدي أكد مع حضرتك إن الكيس…

المهندس منسي : آه الكيس نفسه معمول من خامة اسمها بولي آميد بولي إيثيلين، غير البولي آميد بولي إيثيلين كل ده عك

العميل : آه…

المهندس منسي : يعني لو إنت هتجيب أي أكياس تانية غير البولي آميد بولي إثيلين يبقى إحنا بنعك كده، هو ده الخامة المخصصة للفاكيوم، طب افرض عايز تعمل أكياس ألومنيا، يبقى بولي آميد ألمونيوم بولي إيثيلين

العميل : تمام.. طب حضرتك عشان أنا مشواري بعيد لو الأكياس الكيلو بكام عشان بس أبقى جاي عامل حساباتي وكده؟

المهندس منسي : ما هو ده مش هقدر أديلك سعره لأنه ده بيبقى حسب الخامة، وحسب الكمية، حسب التكنيك، وحسب الطول والعرض… حاجات كتيرة قوي تتحكم فيها، حضرتك تيجي تشرفنا تبص على الحاجة تمسكها وتقول أنا عايز من ده سعره كام؟؟ هيدولك سعره وإنت قاعد

العميل : يعني ما بين كام وكام عشان أجيب معايا…

المهندس منسي : لو أعرف صدقني ما كنت اتأخرت عنك

العميل : يعني مافيش مثلاً رينج فوق وتحت كده وهوه في النص مثلاً؟

المهندس منسي : هقولك إيه؟؟؟ هقول من 28 لـ 80، ما هو لا يعقل يعني

العميل : بس أي مقاس أنا هحتاجه هيبقى متوفر يعني؟

المهندس منسي : أكيد.. أكيد.. أكيد

العميل : على فكرة أنا ممكن أبعتلك صورة وإنت تقولي المقاس ده متوفر ولا لأ…

المهندس منسي : إحنا بنتكلم على العينة الملموسة، صورة إيه هوه إحنا…

العميل : لا أنا قصدي المقاس المقاس؟

المهندس منسي : آه موجود، كله.. كله موجود، ولو مش موجود بياخد 3 أيام في التصنيع بس

العميل : طيب يا باشا، طب على العموم برده هخلي حد برده تقيل اسمه الحاج علي من الحوش راجل برده مصدر كبير قوي يعني رقم واحد في مصر بيصدر سوداني ولب، هخليه يكلم حضرتك لأنه كان عايز مكنة هوه كمان، وممكن يتعامل معاك في الأكياس

المهندس منسي : تيجوا تنوروني في أي وقت

العميل : شغله أكبر مني وأحسن مني كمان

المهندس منسي : الله يبارك لك يا غالي

العميل : وأنا إن شاء الله هجيلك زيارة أو هبعتلك حد من عندي بفلوس وإذا كان كده يتفرج وياخد مكنة من حضرتك ويضبط الأكياس مع حضرتك

المهندس منسي : إن شاء الله

العميل : ماشي يا باش مهندس، شكراً، السلام عليكم

المهندس منسي : عليكم السلام ورحمة الله وبركاته