ماكينات لحام اكياس من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

معك الأخ جمال

المهندس منسي: أهلاً بيك يا عم جمال

العميل: اهلا بحضرتك..بعتلك استفسار

المهندس منسي: بعتلي طلب استفسار على الإيميل

العميل: آه…. الإيميل

المهندس منسي: يعني بعتلي الإيميل على الموبايل ولا بعتلي طلب استفسار على الإيميل؟

العميل: لا على الموبايل

المهندس منسي: لا ما وصلنيش، لما تبعت طلب استفسار ابعته على الإيميل مش تبعته على الموبايل

العميل: آه… باهي.. باهي… الإيميل بتاعي

المهندس منسي: آه.. اكتب طلب استفسار على الإيميل وقول عايز كذا وكذا وكذا وإحنا هنرد عليك خلال 48 ساعة

العميل: بدي الماكينة بتاعت كيلو

المهندس منسي: آه

العميل: كام حقها دي؟

المهندس منسي: 6 أو ما يعادلها بالجنيه المصري

العميل:آه… طيب موجوده

المهندس منسي: إن شاء الله بضاعة حاضرة

العميل: صناعة مصرية هي ولا لأ؟

المهندس منسي: لا صناعة… ماركة.. ماركة.. براند، يعني إحنا بنصنع قطع الغيار في أي بلد إحنا نشوف إنها أفضل بالنسبة لنا، وبعد كده بنجمعها ونحط عليها اسمنا لأن إحنا مصنعين ولسنا تجار

العميل: آه… أنا فاهم

المهندس منسي: يعني إحنا بنصنع قطع الغيار على طول بره مصر، ولكن المصمم والديزاينر مصري

العميل: آه… آه…. أديش تاخد هادي في الوقت؟

المهندس منسي: بضاعة حاضرة

العميل: كام كيلو في الساعة هي؟

المهندس منسي: هي عندها استعداد تعمل 4.5 طن في الساعة، ولكن الخامة بتاعتك اللي هتتلحم هي دي اللي هتحددلها الطاقة الإنتاجية أد إيه، لأن هوه دلوقتي إنت مثلاً كيس الألومنيوم فويل بولي إيثيلين ده يتلحم على درجة حرارة مثلاً نقول 180 ْ على مثلاً تاخدلها 2 ـ 3 في الدقيقة، أو البولي إستر بولي إيثيلين، البولي إستر هنا 12 ميكرون، البولي إيثيلين 70 ميكرون ولا 30 ولا 50….. فهمتني؟؟؟

العميل: آه…

المهندس منسي: كل ما زادت التكنيك بتاعت الخامة اللي هتتلحم، كل ما زاد معاها الوقت، كل ما قلت الطاقة الإنتاجية

العميل: معلش بدي أستفهم منك، المواد الخام بتاعها الغالية بكام الطن؟

المهندس منسي: بـ ، الكيلو بـ

العميل:ده غالي

المهندس منسي: آه… لأ مش غالي بقى، لأن الخامات ألماني، واخد بالك

العميل: آه….

المهندس منسي: الخامات ألمانية والطباعة أعلى أنواع الطباعة اللي هي روتوجرافيك

العميل: آه… آه…

المهندس منسي: فإنت بتتكلم في أرخص سعر في العالم مش غالي ولا حاجة

العميل: انتوا بتبيعوا المكن اللي هوه….

المهندس منسي: إنت بتقارن بالفلكسو، الفلكسو ده رخيص ولكن جودته قليلة

العميل: آه… آه…

المهندس منسي: إنما أنا بكلمك في خامات غالية ما تقيسها بخامات البلاستيك العادية

العميل:آه… آه…. إنت شو اسمك؟

المهندس منسي: المهندس منسي

العميل: مهندس منسي خلاص أنا ببعتلك اليوم في الإيميل وببعتلك الصورة بتاعها ؟

المهندس منسي: ماشي