ماكينات لحام الاكياس من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : إزيك يا باشا

المهندس منسي : أهلاً بيك

العميل : شركة المهندس منسي

المهندس منسي : أيوه

العميل : إزي حضرتك يا فندم

المهندس منسي : الحمد لله

العميل : كله تمام، عايزين مكنة لحام يا باشا 20 سم

المهندس منسي : اللي عندنا مكنة لحام بتاعت مصانع مكنة إنتاجية اللي هي لحام معاها سير، مكنة لحام بالقدم 65 سم، وفي مكنة تانية اللي هي مكنة لحام مستمر دي بتحطلها الأكياس هي بتاخد الأكياس بتلحمها وتوديها الناحية التانية، كل اللي عليك بس تناولها الأكياس بس

العميل : دي بكام حضرتك؟

المهندس منسي : دي بتعمل يعني 3600 جنيه مصري

العميل : تلافيها الأكياس إزاي طيب وهي تلحمها؟

المهندس منسي : يستحسن لو جيت شرفتنا بالزيارة وجيبت معاك مجموعة أكياس، هتنبصت منها قوي

العميل : أنا حضرتك معلش أنا من أسوان فلازم أعرف المعلومة في التليفون عشان أنا سعر تقريبي

المهندس منسي : مش هتقدر تستوعبها

العميل : يعني أنا هعبي البودر

المهندس منسي : آه كل اللي عليك بقى إنك تحط البودر ده على الأكياس، وهي تاخد الأكياس تلحمها وتوديها الناحية التانية، يعني كان الأول تحط الكيس وتستنى لما يتلحم وبعدين تشيله

العميل : آه

المهندس منسي : فهنا إنت بتاخد وقت، لأ دي بقى خلاص عبيت وترميها على السير، عبيت وترميها على السير…. فوفرت كده عامل للناس اللي همه بيشتغلوا نص أتوماتيك كده وفرتلهم عامل، كان الأول إيه؟؟؟ كان الأول 2 واحد يعبي وواحد يلحم

العميل : بالضبط كده

المهندس منسي : دلوقتي لأ ماعدش، دلوقتي خلاص واحد يعبي هوه نفسه بدل ما يحط على الترابيزة يحط على السير

العميل : طيب الكيس ده ما احترامي لحضرتك 4.5 كيلو، هتلحم الـ 4.5 كيلو

لغاية 10 كيلو بـ 3600 جنيه مصري

المهندس منسي : إن شاء الله

العميل : طيب في مكن شريط للكرتونة نفسها من فوق؟

المهندس منسي : مكنة شريط إزاي؟

العميل : شنبر للكرتونة الصغيرة اللي هي 20

المهندس منسي : مش عارف لما تيجي بقى اسأل المبيعات فيها

العميل : آه حضرتك مش مسئول المبيعات، طب عنوان سعادتك إزاي أجيبه؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : لأ خلينا أقرب من رمسيس

المهندس منسي : هبعتلك باب الشعرية في رسالة حالاً

العميل : معلش العنوان تاني؟

المهندس منسي : هبعتهولك في رسالة

العميل : طب ماشي أوكيه أنا آسف معلش عشان الصوت مش واضح عندي

المهندس منسي : ولا يهمك

العميل : ده تليفوني حضرتك ابعت عليه الرسالة

المهندس منسي : ماشي يا غالي

العميل : ماشي يا باشا، شكراً