ماكينات لحام سير افقى ورأسى موديل 301 و 303 من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : شركة المهندس منسي
المهندس منسى : أيوه
العميل : معلش أنا كنت خدت مكنتين لحام مكنة سير أفقي ومكنة رأسي، رقم 301 و 303 حاجة زي كده، وأخدت واحدة وكنت محتاج أرجع التانية،فكنت كلمت حد وقالي خلاص أنا هكلم المبيعات أو حاجة زي كده وهرد عليك تاني
المهندس منسى : طب أنا هبعتلك تليفون المبيعات دلوقتي في رسالة
العميل : أكلمهم وأقولهم إن أنا عايز أرجعها وكده؟
المهندس منسى : شوف إيه الوضع؟ إنت أخدتها من مين؟
العميل : خدتها من المكتب اللي في باب الشعرية
المهندس منسى : آه وإيه اللي حصل بترجعها ليه؟
العميل : والله يا فندم الموضوع كله إن أنا كنت مودي المكنتين دول اليمن وللأسف الفترة اللي جايه دي مفيش حد مسافر ولا داخل المطارات مقفولة، وديت واحدة والتانية مركونة عندي، فأنا مش محتاجها تمام، وديت الرأسي والأفقي لسه معايا
المهندس منسى : آه.. آه…. ماشي
العميل : ممكن
المهندس منسى : لا ولا يهمك يا غالي عادي مافيش مشكلة
العميل : ربنا يبارك لك يا فندم، طب أنا ممكن أجيبها إمتى
المهندس منسى : هبعتلك أنا المبيعات شوف إنت خدتها من مين وكلمه
العميل : طيب ماشي يا فندم
المهندس منسى : خدتها من مين؟
العميل : من شاب هوه صغير كده مع موبايل آيفون وقاعد على مكتب وفوق دماغه كده في شاشة عرض، أنا بشرحلك لأن أنا مش عارف اسمه إيه والله معلش
المهندس منسى : ماشي… هبعتلك أنا تليفوناتهم وكلمهم بقى
العميل : ربنا يبارك لك يا رب
المهندس منسى : شوف إنت خدتها من مين
العميل : ماشي يا فندم متشكر جداً مع السلامة
