ماكينات لحام سير مستمر من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: شركة المهندس منسي

المهندس منسى: أيوه

العميل: أيوه يا فندم إيه الأخبار، كله تمام

المهندس منسى: الحمد لله

العميل: باشا أستأذنك كنت بسأل على مكنة اللحام..

المهندس منسى: لحام ايه

العميل: كنت بسأل على مكنة اللحام المستمر، اللي هي مكنة كونيوس سيلينج، هي بتعمل سيلينج للأكياس البولي إيثيلين، موجودة عند حضرتك؟

المهندس منسى: إن شاء الله موجودة آه

العميل: موجودة بضاعة حاضرة، حضرتك اللي بتصنعها ولا بتستوردها من بره؟

المهندس منسى: لأ هي تفرق معاك؟

العميل: بسأل عايز أعرف مواصفاتها إيه؟

المهندس منسى: لأ مواصفاتها كويسة، دي ماركة، براند، إحنا شركة عالمية، براند عالمي، إحنا شركة المهندس منسي

العميل: تمام…

المهندس منسى: خش الأول كده واكتب المهندس منسي في الصين الدولي، إحنا بنروح ننافس

العميل: يا باشا إنت ممكن تقولي أنا مصممها وخلاص يعني، أنا مش فاهم إنت واخدنها معنى كده إن كده كواليتي أي كلام يعني، بس تفرق معايا في حاجات تانية كتير، يعني مثلاً إنت عندكم الحساب بالمصري ولا بإيه؟؟ الواحد يبقى عارف فترة التوريد… يعني الواحد يبقى فاهم الكلام ده كله يعني، ما تخدش الموضوع تفهمه غلط يعني

المهندس منسى: ماشي، هي عموماً بضاعة حاضرة موجودة

العميل: يعني حضرتك اللي بتصنعها؟

المهندس منسى: إحنا بنصمم السبير بارتز قطع الغيار بصنع أغلب السبير بارتز بره مصر وبنجمعها أوقات بره مصر، وأوقات جوه مصر

العميل: تمام… حضرتك المكنة بتلحم أكياس بولي إيثيلين، إيه المواصفات اللي أركز عليها في المكنة، أنا بصراحة شغال بالمكنة العادية اللحامة العادية، فعايز أعرف إيه المواصفات، السرعة، زمن اللحام، يعتمد على سخان…. يعني عايز أعرف..

المهندس منسى: هي المكنة مصممة أساساً مش للبولي إيثيلين، هي مصممة أساساً لأكياس اللامينيشن وأكياس الألومنيوم فويل، وأكياس الميتالايز، ولكن إحنا ولفناها تشتغل بولي إيثيلين، فيستحسن لو جبت عيناتك معاك وجيت جربت على الطبيعة

العميل: طب تمام.. تمام.. طيب هي بتشتغل بالهوا السخن ولا كهربا، يعني الهيتر نفسه كهربا ولا هوا سخن؟

المهندس منسى: الهيتر كهربا آه، فيها الـ2 فيها هوا وفيها الـ 2 أوبشن

العميل: لأ حضرتك يعني الـ 2 أوبشن بتوفرهملي لو أنا طلبتهم ولا حضرتك تقصد موجودة عندك سواء أشتريها كده ولا كده؟

المهندس منسى: موجودة في المكنة نفسها، المروحة ديت بتعمل إيه؟؟؟ بتخش جوه السخانات بتطلع هوا سخن، وهي فيها فكوك اللحام فيها 4 فكوك لحام، فيها فكين مخرومين، وفكين مش مخرومين، الفكين المخرومين دول الأخرام ديت بيخش منها الهوا بيطلعلك هوا سخن دافي كده، والفكين اللي مش مخرمين دول فيهم سخانات

العميل: تمام.. تمام.. طيب أنا لو عندي مقاس بتاع الأكياس كبير بيبقى حوالي 6 كيلو، وكده كده بيمشي على سير تحتيه، أبعاد الكيس هوه طول الكيس وهو فاضي 60 سم المجوز، 60 و 60، بس هوه وش اللحام 60 سم، تمام

المهندس منسى: آه

العميل: كده في أي مواصفة تانية حضرتك محتاجها للكيس بتاعي أو حاجة؟

المهندس منسى: هوه يتسحسن لو جيبت أكياسك معاك

العميل: طيب خلاص أنا هجيبها، المكنة تعملها كام؟

المهندس منسى: في حدود ، اضرب × 18

العميل: يعني حوالي 3600 جنيه

المهندس منسى: إحنا بناخد بالجنيه عادي، إحنا بس بنسمي بال

العميل: بتسعرها بال

المهندس منسى: آه عشان بس نضمن ثبات الأسعار

العميل: طيب تبقى طبعاً على رول من فوق بتلف تاخد الكيس وتمشي بيه وبيخرج من الناحية التانية ملحوم وكله تمام

المهندس منسى: بتلف إزاي

العميل: ما هو اللحامة دي المفروض إنها بتمشي زي

المهندس منسى: آه إنت بتناولها الكيس وهي بتخرجه الناحية التانية

العميل: آه….

المهندس منسى: إنت كل اللي عليك إنك تناولها الكيس بس