ماكينة الالتراسونيك من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: لو سمحت عايز أسأل على المكنة بتاعت تغليف اللي هي الألتراسونيك بتاعت الأنابيب، سعرها كام؟

المهندس منسي: هوه الأنابيب اللي إنت هتشتغل بيها نوعها إيه؟

العميل: اللي هوه البلاستيكية عادية

المهندس منسي: آه أنابيب بلاستيكية؟

العميل: آه

المهندس منسي: أصل في أنابيب بلاستيك، وفي أنابيب لامينت، وفي أنابيب ألومنيوم

العميل: أنا شايف نفس المواصفات بتاعت المكنة ديت بتلحم لكله

المهندس منسي: آه… هي بتلحم كله آه ماعدا أنابيب الألومنيوم، أما اللامينت والبلاستيك… آه دي بتلحم ألتراسونيك آه، ولحامها قوي جداً

العميل: طيب دي بكام سعرها؟

المهندس منسي: 3000

العميل: على أساس بكام ال؟

المهندس منسي: 18 أو هات ، لو هتجيب ماشي، لو هتجيب بالمصري اضرب × 18

العميل: مكتوب على سعرها القديم

المهندس منسي: في منها بـ 2500 وفي منها بـ 3000

العميل: طب إيه هي أم 2500؟

المهندس منسي: هي هي نفس المكنة ولكن الخلية بتاعت الألتراسونيك أم 3000 أقوى شوية من أم 2500

العميل: طيب، مافيش مكنة يدوي منها ولا حاجة

المهندس منسي: شغالين فيه، بنبتكر مكنة بنصنع مكنة يكون سعرها قريب شويه عشان العملة بتاعتنا هي اللي ضعيفة

العميل: أيوه أنا بتكلم على كده، مش شرط ألتراسونيك ممكن تكون مكنة يدوية عادية

المهندس منسي: ما هو لازم ألتراسونيك، لازم، لأن قبل جربنا نلحم لحام حراري عمل مشاكل جامدة قوي

العميل: تمام… طيب الألتراسونيك اليدوية ديت سعرها في حدود كام؟

المهندس منسي: دي لسه بنبتكر فيها، شغالين في إطار التشغيل بتاعها، إن شاء الله خير يعني ما تقلقش

العميل: إن شاء الله، خلاص أتصل على حضرتك بعد أد إيه إن شاء الله؟

المهندس منسي: على الأقل 21 يوم

العميل: خلاص بإذن الله

المهندس منسي: تحت الأمر يا غالي

العميل: شكراً يا فندم، شكراً

المهندس منسي: مع السلامة