ماكينة التغليف بالشرينك لدي شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزي حضرتك يا باش مهندس، شركة المهندس
المهندس منسي : أيوه
العميل : معاك المهندس أحمد الأمين شركة توريدات
المهندس منسي : آه
العميل : أنا بستفسر عن ماكينات الشرينك دي، اللي هي تكفي مثلاً 6 خلاطات ولا حاجة وهمه معدولين
المهندس منسي : آه… 6 خلاطات آه.. موجودة
العميل : دي عامله كام دي ونوعها إيه؟
المهندس منسي : في حدود ، دي ماركة، مش نوع، دي ماركة، براند
العميل : ماركة إيه؟
المهندس منسي : ماركة المهندس منسي، يعني إحنا بنصنع لحسابنا قطع غيار وبنجمعها
العميل : آه.. طب دي صناعة مصري طبعاً؟
المهندس منسي : لأ هوه ماركة عالمية
العميل : يعني صناعة إيه؟
المهندس منسي : زي توشيبا، زي إتش بي.. زي كل الحاجات دي
العميل : طب دي تكفي 6 خلاطات مثلاً أو 8
المهندس منسي : عادي.. عادي.. هات الخلاطات معاك وجرب
العميل : قلت كام حضرتك؟
المهندس منسي :
العميل : كام مصري يعني؟
المهندس منسي : يعني في حدود 5000 مصري
العميل : حضرتك موجود فين بقى؟
المهندس منسي : إحنا عندنا حدائق القبة، مدينة نصر، باب الشعرية
العميل : مدينة نصر مافيش مشاكل، فين في مدينة نصر؟
المهندس منسي : هبعتلك العنوان في رسالة حالاً
العميل : خلاص ماشي يا هندسة، نيجي كده نبص على اللي عند حضرتك
المهندس منسي : مع السلامة
العميل : شكراً
