ماكينة الطباعة التمبو من شركة المهندس منسي

العميل : السلام عليكم

مهندس منسي : وعليكم السلام

العميل : شركة المهندس منسي

مهندس منسي : أيوه

العميل : إزي حضرتك يا فندم

مهندس منسي : أهلاً بيك

العميل : كنت عايز أسأل بتبيعوا مكن التيمبو

مهندس منسي : آه

العميل : موجود عند حضرتك، لون واحد ولا 4 لون؟

مهندس منسي : لون واحد آه، لو عايز أي ألوان تانية ممكن نجيبها لك بالطلب

العميل : طيب والطلب ده ياخد أد إيه مثلاً لو أنا…

مهندس منسي : 40 يوم

العميل : لكن اللي موجود عند حضرتك…

مهندس منسي : اللي موجودة بضاعة حاضرة دايماً بنجيبها عشان خاطر تاريخ الإنتاج ديت واحد لون، أما لو إنت عايز تطبع بقى مطبوعات وحاجات من ديت دي بتبقى بقى 4 لون وكده يعني

العميل : يعني الواحد لون ده ممكن أطبع بيه برده على كافر أو على باور باند أو أي حاجة يعني بس هتنزل واحد لون

مهندس منسي : مضبوط آه، هوه إنتم عندكم باور باند؟

العميل : لأ أنا شركة دعاية أصلاً، فعندي إنتاج بتاعي بتتعمل في المول فتطلب وقتها على الكافر اسم أو حاجة

مهندس منسي : مضبوط آه

العميل : آه طيب بكام دي حضرتك؟

مهندس منسي : بتعمل في حدود…. بسم الله الرحمن الرحيم، حوالي 700

العميل : طيب وأحبارها وحاجات كلها من عند حضرتك برده ولا…

مهندس منسي : عادي لو عايز نجيبهالك نجيبهالك، لو عايز نعرفك تجيبها منين مافيش مشكلة

العميل : طيب حضرتك برده بتعرفني المكنة بتشتغل إزاي برده ولا…

مهندس منسي : طبعاً.. طبيعي يعني

العميل : آه… ده العنوان بتاع حضرتك اللي هوه في باب الشعرية

مهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : آه…. طيب كل العناوين ديت موجودة على الواتس آب برده أصل أنا مش شايف غير باب الشعرية بس

مهندس منسي : ما هوه أنا عامل ويب سايد واحد لوحده، وويب سايد اللي فيه الفروع، وويب سايد اللي فيه الفروع اللي مش باسمنا، يعني إحنا عندنا شركات مش باسمنا

العميل : آه…

مهندس منسي : يعني افرض إنت مثلاً كلمت حد من المبيعات وزرزر معاك في الكلام فإنت تقول دي شركة مش عارف إيه و.. و.. و… ، نشوف شركة تانية، تطلعك الرائد للهندسة الصناعية، يطلعلك نسر الشرق، يطلعلك ليفينا، يطلعلك التقدم الصناعي… إحنا ده، دي كيانات موجودة مش أونطا، الحمد لله، عندنا نسر الشرق، وعندنا التقدم، والرائد للهندسة الصناعية…

العميل : حضرتك بتبيعوا بس ما بتطبعش

مهندس منسي : لأ هوه إحنا بنبيع خامات ومكن

العميل : طيب الـ أنا أضربهم بقى × إيه… 19

مهندس منسي : سعر النهاردة

العميل : طيب يا باشا ربنا يبارك يا باشا..

مهندس منسي : سوري هتعملهم في سعر 18

العميل : طيب ماشي يا باشا ربنا يبارك لك، شكراً